Меморијален центар „Никола Тесла“
| Memorijalni centar Nikola Tesla | |
 Родната куќа на Никола Тесла | |
  Локацијата на Меморијалниот центар во Хрватска | |
 | |
| Основан | 2006 |
|---|---|
| Место | Смилјан, Хрватска |
| Координати | 44°33′34.06″N 15°18′31.21″E / 44.5594611°N 15.3086694°E |
| Тип | Биографски и технолошки музеј |
| Посетеност | 49,553 (2017)[1] |
| Директор | Весна Бунчиќ |
| Кустос | Миле Чорак |
| Мреж. место | mcnikolatesla.hr/en/ |
Меморијалниот центар на Никола Тесла (хрватски: Memorijalni centar Nikola Tesla) е културно-историски локалитет и музеј кој се наоѓа во Смиљан, Хрватска, во родното место на Никола Тесла, еден од најистакнатите хрватско-американски инженери и пронаоѓачи во светот.
Посветен е на Тесла, кој бил роден во 1856 година во куќата на неговите родители во Смиљан, во тогашниот дел од Кралството Хрватска во рамките на Австриската империја. Младиот инженер подоцна ја напуштил својата татковина за да работи во Америка, а музејот Лика во блискиот Госпиќ го управува локалитетот.
Историја
[уреди | уреди извор]Меморијалниот центар бил отворен за јавноста на 150-годишнината од роденденот на Тесла на 10 јули 2006 година од страна на претседателот на Република Хрватска,[2] а оригиналната меморијална локација првпат била основана како музеј во 1956 година, но била оштетена за време на Хрватска војна за независност кога проектил паднал на комерцијалната зграда покрај куќата на Никола Тесла. Огнот на крајот бил угасен од страна на Хрватска армија која ги депонирала мебелите и другите предмети што ги чувала во Музејот на Лика.[3]
Хрватските власти го реставрирале комплексот и го отвориле повторно на церемонијата во 2006 година, на која присуствувале највисоките знаменици од Хрватска и Србија.[4] По војната, бил реновиран, подобрен, опремен и отворен како Меморијален центар во 2006 година.
Архитектура и експонати
[уреди | уреди извор]На површина од 1,37км2 меморијалниот комплекс содржи различни компоненти како музеј во родната куќа[5] на Никола Тесла (каде што деталите од неговиот живот се прикажани во постојана изложба на артефакти, документи, фотографии и аудиовизуелен материјал), Православната црква „Свети Петар и Павле“, стара земјоделска зграда, селски гробишта, тест-станицата на Тесла, камени споменици, клупи и речни брегови дизајнирани од архитектот Зденко Колачо, метална статуа на Никола Тесла изработена од скулпторот Миле Блажевиќ, аудиториум на отворено, прототипови на некои пронајдоци на Тесла (индукциски мотор, Теслина турбина, ротирачко магнетно поле, Теслина намотка ), мултимедијален центар итн.
Во Меморијалниот центар повремено се организираат разни научни и образовни активности или презентации, а во текот на изминатите години, бројот на посетители што го посетувале местото постојано растел. 41.000 туристи од многу земји од целиот свет го посетиле центарот во 2016 година.[6] Во 2018 година, овој број се зголемил на над 44.000 луѓе.
Поврзано
[уреди | уреди извор]- Список на музеи во Хрватска
Галерија
[уреди | уреди извор]
Приемна зграда на Меморијалниот центар
Туристи кои го посетуваат Меморијалниот центар
Влезот во родната куќа на Тесла
Згради и околина
Експерименталната станица на Тесла
Тесла калем
Мултимедијален центар
Тркалезен информативен камен блок во куќата на Тесла
Поврзано
[уреди | уреди извор]- Список на музеи во Хрватска
- Музеј на Никола Тесла, Белград, Србија
Наводи
[уреди | уреди извор]- ↑ „Posjećenost hrvatskih muzeja u 2017. godini“ (PDF). mdc.hr (хрватски). Zagreb: Museum Documentation Center. Посетено на 1 October 2019.
- ↑ Šoštarić, Tomislav (11 February 2015). „Kuća čuda u rodnom mjestu Nikole Tesle“. Al Jazeera.
- ↑ „Lika napokon otkrila Teslu“ [Lika finally discovers Tesla]. Jutarnji list (Croatian). 2006-07-08. Архивирано од изворникот на 2011-05-22. Посетено на 2011-08-11.
Vesna Bunčić, ravnateljica Muzeja Like u kojem se čuvaju namještaj i predmeti iz Tesline rodne kuće. Kada je u svibnju 1992. jedan projektil pao na gospodarski objekt tik uz kuću, izbio je požar u kojem je ta drvena zgradica u potpunosti izgorjela. No, požar je zahvatio i dio krova Tesline rodne kuće. – Pripadnici HV-a ugasili su požar, a onda su namještaj i svi predmeti deponirani u Muzeju Like. Od 2000. godine Muzej Like krenuo je u sanaciju krova, dok je gospodarski objekt ponovno sagrađen 2003. godine – pojasnila je Vesna Bunčić. U Muzeju su, uz namještaj, i porculanski predmeti te 133 knjige iz biblioteke Teslina oca Milutina. Namještaj će tu i ostati jer se u obnovljenoj Teslinoj kući sada priprema drukčiji postav.
CS1-одржување: непрепознаен јазик (link) - ↑ „150. obljetnica rođenja Nikole Tesle“ [150th anniversary of the birth of Nikola Tesla] (Croatian). Office of the President of Croatia. HINA. 2006-07-10. Архивирано од изворникот на 2012-01-20. Посетено на 2011-11-08.CS1-одржување: непрепознаен јазик (link)
- ↑ Brstilo Rešetar, Matea (2007). „The Permanent Display of the Birth House of Nikola Tesla in Smiljan (scientific work)“. Zagreb: Hrvatski povijesni muzej (Croatian History Museum). Архивирано од изворникот на 2026-03-14. Посетено на 2026-04-11."The Permanent Display of the Birth House of Nikola Tesla in Smiljan (scientific work)" Архивирано на 14 март 2026 г.. Zagreb: Hrvatski povijesni muzej (Croatian History Museum).
- ↑ „10 godina Memorijalnog centra Nikola Tesla u Smiljanu“. 11 January 2017.[мртва врска]
Надворешни врски
[уреди | уреди извор]- Информации за Меморијалниот центар
- Водич за Меморијалниот центар Архивирано на 30 септември 2020 г.
- Меморијален центар – тематски парк кој се состои од реновирана родна куќа, црква, разни експонати и мултимедијален центар Архивирано на 22 април 2026 г.
- Хронологија на Никола Тесла ( на хрватски )
|