Мелник (Берско)

Од Википедија — слободната енциклопедија
Прејди на прегледникот Прејди на пребарувањето
Мелник
Μελίκη
Мелник is located in Грција
Мелник
Мелник
Местоположба во областа
Мелник is located in Гида (општина)
Мелник
Местоположба на Мелник во општината Гида и областа Централна Македонија
Координати: 40°31′N 22°24′E / 40.517° N; 22.400° E / 40.517; 22.400Координати: 40°31′N 22°24′E / 40.517° N; 22.400° E / 40.517; 22.400
ЗемјаГрција
ОбластЦентрална Македонија
ОкругИматија
ОпштинаГида
Општ. единицаМелник
Надм. вис.&1000000000000004000000040 м
Население (2011)[1]
 • Вкупно3,116
Часовен појасEET (UTC+2)
 • Лете (DST)EEST (UTC+3)

Мелник (познато и како: Мелик или Менлик; грчки: Μελίκη, Мелики) — село во Берско, Егејска Македонија, дел од денешната Општина Гида, во Централна Македонија, Грција.

Географија и местоположба[уреди | уреди извор]

Селото е една од најголемите населби во Берско. Се наоѓа на околу 25 километри источно од градот Бер, на источната страна на реката Бистрица, на надморска височина од 40 метри.[2] Површината на селскиот атар изнесува 35 квадратни километри.

Сместено е во областа Урумлак.

Историја[уреди | уреди извор]

Како и сите села од областа Урумлак, иако носи македонско (словенско) име, одамна е населено со грчко или погрчено македонско население.[2]

По Првата светска војна во 1922 година, во селото биле населени малку грчки бегалци. Во 1928 година имало 43 бегалски семејства со вкупно 156 жители.[3].

Стопанство[уреди | уреди извор]

Главно занимање на населението е земјоделството, а претежно се произведуваат памук, пченица и други земјоделски производи.[2] Покрај со земјоделство, во селото, особено е развиено пчеларството.

Во селото постојат бројни трговски и занаетчиски дуќани, како и други установи, бидејќи порано, самото село претставувало седиште на истоимената општина.

Население[уреди | уреди извор]

Александар Синве („Les Grecs de l’Empire Ottoman. Etude Statistique et Ethnographique“) во 1878 година напишал дека во Мелики (Méliki), Китроска епархија, живееле 690 Грци.[4] Во 1900 година според Васил К’нчов („Македонија. Етнографија и статистика“) во Милик (Менлик) живееле 400 Грци христијани.[2][5] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Мелик (Менлик) (Melik Menlik) живееле 395 Македонци.[6]

Иако и К’нчов и Бранкоф го споменуваат селото со 400 односно 395 жители, веројатно било многу поголемо, бидејќи за време на пописот во 1913 година било забележано со 985 жители, а во 1920 година со 1.007 жители. По 1923 година грчките власти тука сместиле 43 бегалски семејства со вкупно 156 жители. Оттука, заедно со бегалците, во 1928 година во Мелник имало 1.366 жители, за нивниот број во 1940 година да се искачи на 2.088 жители. Во 1951 година, Мелник имало 2.220, во 1961 година 2.662, во 1971 година 3.033, во 1981 година 3.245, а во 1991 година 3.290 жители. Зголемувањето на бројот на жителите се должи на добрата местоположба, на комуникациските врски и на фактот што претставува стопанско средиште на една цела област.[2]

Во пописот спроведен во 2001 година, селото било попишано со 3.102 жители. Во најновиот спроведен попис од 2011 година во Грција, селото било забележано со 3.116 жители.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 2.088 2.220 2.662 3.033 3.245 3.290 3.102 3.116
Извор за 1940-1991 г.: Т. Симовски, Населените места во Егејска Македонија

Самоуправа и политика[уреди | уреди извор]

Селото припаѓа на општинската единица Мелник со седиште во истоименото село, која припаѓа на поголемата општина Гида, во округот Иматија. Воедно, селото е дел од општинскиот оддел Мелник, во кој е единствено село.

Меѓународни односи[уреди | уреди извор]

Мелник има партнерски односи со бугарскиот град Павел Бања.

Општествени установи[уреди | уреди извор]

  • Полициска станица
  • Пошта

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција.
  2. 2,0 2,1 2,2 2,3 2,4 Симовски, Тодор (1998). „Берски округ“. Населените места во Егејска Македонија : географски, етнички и стопански карактеристики. I. Скопје: Институт за национална историја. стр. 19.
  3. Κατάλογος των προσφυγικών συνοικισμών της Μακεδονίας σύμφωνα με τα στοιχεία της Επιτροπής Αποκαταστάσεως Προσφύγων (ΕΑΠ) έτος 1928
  4. Synvet, A. Les Grecs de l'Empire ottoman: Etude statistique et ethnographique, Constantinople, 1878, р. 38.
  5. К’нчов, Васил. „Македонија. Етнографија и статистика“. София, 1900, стр. 144.
  6. Brancoff, D.M. La Macédoine et sa Population Chrétienne, Paris, 1905, рр. 222-223.

Надворешни врски[уреди | уреди извор]