Мегидо

Од Википедија — слободната енциклопедија
Прејди на прегледникот Прејди на пребарувањето
Мегидо
светско наследство на УНЕСКО
Tel megido.JPG
Службен називМегидо
МестоБлизу кибуцот Мегидо, Израел Израел
КритериумКултурно наследство: ii, iii, iv, vi
Запис2005 (29. заседание)
Површина1.605, 29.085 ха (172.800.000, 3,1307×109 sq ft)
Положба на Мегидо

Градот Мегидо (Израел) ( хебрејски: מגידו‎; арап. المجیدو; грчки: Μεγιδδώ/Μαγεδδών) е антички град кој бил населен во периодот од 7000 пр.н.е. до некаде 500 пр.н.е. Бил сместен на работ на Израелската Рамнина. Блиската планина Мегидо (хебрејски Хар) го дала името на Армагедонот, што се споменува во Библијата. Денес од него се останати урнатини во 26 одделни слоеви, на рид во близина на кибуцот Мегидо во Израел. [1]

Мегидо се наоѓал на стратешка положба на западниот раб на израелската рамнина, на влезот на единствениот премин низ планинскиот венец Кармел, преку кој патот водел од Египет кон Асирија. Блиската планина Мегидо му го дала името на Армагедон, кое се споменува во Новиот завет, што е грчко име за хебрејскиот израз Хар Мегиддо, т.е. „Градина Мегидо“.[2]

Во 2005 година, Мегидо, заедно со градовите Хазор и Тел Беер Шева, бил запишан на Списокот на светско наследство на УНЕСКО во Азија и Австралија.

План на древниот Мегидо

Историја на Мегидо[уреди | уреди извор]

Мегидо била важна град-држава на раскрсницата на неколку древни патишта кои ги поврзувле Египет и Асирија, поради што владетелите на Блискиот Исток често војувале со Египет. Неколку битки се имаат случено на Мегидо:

Исто така се споменува во Стариот завет под еврејско име דרך הים („Патот до морето“), а за време на Римското Царство бил важен дел од истоимениот воен пат Виа Марис.

Во Новиот завет се споменува во книгата Откровение (Апокалипса), во која се наведени идните настани од големата битка на ридот кај Мегидо, т.е. Армагедон, па така ова име станало синоним за крајот на светот.

Мегидо е ненаселен од 586 година, кога Вавилонците го уништиле Соломоновиот храм во Ерусалим и ги одвеле Евреите во вавилонско ропство. Како резултат, зградите на археолошкиот локалитет се останати точно како што биле тогаш, ненарушени со понатамошната изградба.

Денес, Мегидо е израелски национален парк и важен крстопат на главниот пат што го поврзува централниот Израел со Галилеја и северните покраини.

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. Davies 1986.
  2. [1] Bible Gateway passage: Revelation 16:16 - New International Version

Литература[уреди | уреди извор]

  • Davies, Graham (1986). Megiddo. Lutterworth press. стр. 1.CS1-одржување: ref=harv (link)

Надворешни врски[уреди | уреди извор]