Мачка
| Мачка | |
|---|---|
 |
|
| Научна класификација | |
| Царство: | Животни (Animalia) |
| Колено: | `Рбетници (Vertebrata) |
| Класа: | Цицачи (Mammalia) |
| Ред: | Месојадци (Carnivora) |
| Подред: | Мачковидни (Feliformia) |
| Семејство: | Мачки (Felidae) |
| Потсемејство: | Felinae |
| Род: | Felis |
| Вид: | Felis silvestris |
| Подвид: | Мачка домашна |
| Биномен назив | |
| Felis silvestris catus (Linnaeus, 1758) |
|
Обичната мачка (латински: Felis silvestris catus или латински: Felis catus) е најраспространетиот вид од фамилијата мачки (Felidae): како дива или домашна (Felis ocreata domestica) ја има насекаде. Иако е припитомена, мачката не го загубила својот инстинкт на ловец и кога лови на жртвата ѝ се приближува со бесшумно прикрадување. И таа, како другите мачки, преде кога е задоволна. Иако ловат сами, мачките се социјални суштества и користат разни вокализации, феромон и видови говор на тело за комуникација, како мјаукање, предење, `ржење и сл.
Анатомијата на мачката е слична со онаа на другите животни од родот Мачки, со силно, еластично тело, брзи рефлекси, остри канџи и заби прилагодени за убивање ситен плен. Како ноќни предатори, мачките го користат нивниот остар слух и вештината да гледаат во темно за да го најдат својот плен. Не само што слушаат звуци што се преслаби за да ги регистрира човечкото уво, туку тие исто така слушаат и звуци со повисока фреквенција. Мачките исто така имаат и многу подобро сетило за мирис од тоа на луѓето.
Со луѓето е од многу одамна. Во стариот Египет, мачката била дури свето животно. Бастет, на пример, била мачколика божица на музиката, на танцот и на мајчинството. За разлика од кучето, мачката е многу понезависна и приврзана им е само на оние што знаат да ја пленат. Се претпоставува дека домашната мачка потекнува од дивата мачка од стариот свет (Европа, Азија, Африка) која е малку поголема и има подолга опашка.
Весникот The New York Times во 2007 напишал дека иако до неодамна за мачката се верувало дека била припитомена во стариот Египет каде била култно животно ", [1] една понова студија, од истата година, открива дека сите домашни мачки веројатно водат потекло од африканската дива мачка-(Felis silvestris lybica), припитомени некаде околу 8000 п.н.е., на Блискиот Исток.[2] Најстариот директен доказ за припитомената мачка е маче закопано до човек, уште пред 9,500 години на Кипар.[3][4]
Содржина
Мачката како тема во уметноста и во популарната култура[уреди | уреди извор]
Мачката се јавува како тема во бројни дела од уметноста и популарната култура.
Мачката како тема во книжевноста[уреди | уреди извор]
- „Црн мачор“ - кус расказ на македонскиот писател Драган Георгиевски од 2013 година.[5]
- „Куќата на сивиот мачор“ - збирка раскази на бразилскиот писател Рибејро Коуто од 1922 година.[6]
- „Жена и мачка“ - песна на францускиот поет Пол Верлен.[7]
- „Црна мачка“ - песна на германскиот поет Рајнер Марија Рилке.[8]
- „Мачката и кралот“ - басна на американскиот писател Емброуз Бирс.[9]
- „Мачорот и птиците“ - басна на американскиот писател Емброуз Бирс.[10]
- „Лисицата и мачката“ – сказна на браќата Грим.[11]
Мачката како тема во филмот[уреди | уреди извор]
- „Мачорот во чизми“ (англиски: Puss in Boots) - американски анимиран филм од 2011 година, во режија на Крис Милер.[12]
- „Лошиот мачор“ (Kötü Kedi Şerafettin) - турски анимиран филм од 2016 година.[13]
Мачката како тема во музиката[уреди | уреди извор]
- „Луѓе-мачки“ (Cat people) - песна на британскиот пејач Дејвид Боуви од 1983 година.[14]
- „Мачка“ - песна на југословенската рок-група „Фит“ од 1988 година.[15]
Наводи[уреди | уреди извор]
- ↑ http://www.nytimes.com/2007/06/29/science/29cat.html, Study Traces Cat's Ancestry to Middle EastNicholas Wade, The New York Times 29 June 2007
- ↑ Driscoll CA, Menotti-Raymond M, Roca AL, CA. The Near Eastern origin of cat domestication. „Science“ том 317 (5837): 519–23. doi:. PMID 17600185.
- ↑ „Meet Helen and Aphrodite, Cyprus's indigenous cats“, „China Daily“ (конс. 3 ноември 2009 г).
- ↑ „Oldest Known Pet Cat? 9500-Year-Old Burial Found on Cyprus“. http://news.nationalgeographic.com/news/2004/04/0408_040408_oldestpetcat.html.
- ↑ Драган Георгиевски, Метаморфузија, Темплум, Скопје, 2013.
- ↑ Антoлогија на бразилскиот расказ, Три, Скопје, 2012, стр. 286.
- ↑ Pol Verlen, Pesme. Beograd: Rad, 1969, стр. 14-15.
- ↑ Рајнер Марија Рилке, Искуство тишине. Београд: Paideia, 2014, стр. 36.
- ↑ Емброуз Бирс, Басни. Скопје: Темплум, 2016, стр. 23.
- ↑ Емброуз Бирс, Басни. Скопје: Темплум, 2016, стр. 34.
- ↑ Браќа Грим, Храбриот кројач, Детска радост, Скопје, 1980.
- ↑ „Возбудлива авантура на триото од бајките“, Антена, број 882, 22.5.2015, стр. 2.
- ↑ „ЛОШИОТ МАЧОР“. cinedays.mk. архивирано од оригиналот на 14 ноември 2016. http://web.archive.org/web/20161114151843/http://cinedays.mk/bad-cat-mk/. конс. 14 ноември 2016 г.
- ↑ YouTube, David Bowie - Cat People (пристапено на 8.5.2017)
- ↑ YouTube, Fit - 09 Mačka (Live Uz Rijeku) HQ (пристапено на 8.4.2017)
|
