Матео Албениз

Од Википедија — слободната енциклопедија
Прејди на прегледникот Прејди на пребарувањето

Матео Албениз (шпан. Mateo Albéniz), (21 ноември 1755 - 23 јуни 1831) е шпански композитор и свештеник од времето на класицизмот.

Од 1800 до 1829 бил капелмајстор во Сан Себастијан и Логроњо. Компонирал духовна музика како миси, вечерни, празнични воспеви. Во текот на животот се прочул низ северна Шпанија, но по смртта бил заборавен.

Световниот опус на Албениз претежно се состои од музика за чембало и фортепијано, каде се гледаат влијанија од Моцарт и Хајдн, но со шпански мелос. Денес е познат по неговото дело „Соната во Д-дур“, подоцна преработена во популарна транскрипција за класична гитара[1].

Во 1802 издал расправа насловена како „Методична теоретска и практична обука за пеење и свирење на стара и современа музика“ (Instrucción metódica, especulativa y práctica para enseñar a cantar y tañer la música moderna y antigua).

Матео Албениз не е во сродство со попознатиот импресионистички композитор Исак Албениз.

Наводи[уреди | уреди извор]

Надворешни врски[уреди | уреди извор]