Математичка награда за девојчиња
Математичката награда за девојчиња на Фондацијата „Напредно тестирање“ (англиски: Advantage Testing Foundation Math Prize for Girls), честопати нарекувана само Математичка награда за девојчиња, - годишен натпревар по математика, отворен за ученички од средните училишта од Соединетите Држави и Канада. Натпреварот ја нуди најголемата единствена парична награда во светот за математика за млади девојки. Во 2017 година, наградата за првото место била 46.000 долари на САД (за првпат поделена подеднакво меѓу тројката), и уште 9.000 долари поделени меѓу преостанатите финалисти.[1] Девојките можат да освојат максимум 50.000 долари со учество на натпреварот во текот на повеќе години.[2] Организиран секоја година од Фондацијата „Напредно тестирање“, се смета дека е врвен натпревар по математика за млади девојки во Северна Америка.[3][4]
На еднодневниот годишен натпревар можат да учестуваат ученички од средно училиште 12 одделение или подолу, од Соединетите држави и Канада кои постигнале квалификациски резултат на Испитите за натпревари во САД по математика, поточно АМЦ 10 или АМЦ 12 доделени во февруари секој година.[5] Секоја година се избираат до 300 учесници за натпреварот. Учесниците мора да одговорат на 20 прашања со кратки одговори кои содржат проблеми од темите геометрија, алгебра, тригонометрија и други теми по математика за 150 минути. Тестовите потоа ги разгледуваат судии, кои доделуваат парични награди на учесниците со најдобри резултати.[6]
Историја[уреди | уреди извор]
Натпреварот бил основан 2009 година од страна на Арун Алагапан и Д-р Рави Бопана во обид да ја вдаховат следната генерација жени математичари и да создадат заедница на млади жени кои имаат страст за математика.[7] Бопана, основачот и директор на натпреварот, во една од неговите изјави, рече дека „Наградата по математика е создадена за да ги разоткрие стереотипи и да ги поддржи младите жени кои гледаат на математиката на повисоко ниво како потрага која е предизвикувачка, забавна и неверојатно наградувана“.[8] Првите две години од натпреварот се одржувале во Њујорк, а од 2011 година, натпреварот се одржувал секоја година на МИТ во Кембриџ, Масачусетс.[9]
Победници[уреди | уреди извор]
Секојгодишните добитници на прво место на Наградата за математика за девојчиња се наведени во табелата подолу:[10]
| Година | Победници |
|---|---|
| 2017 | Кети Ву, Меган Јоши, Клер Зоу |
| 2016 | Чи Чи, Кети Ву |
| 2015 | Рејчел Занг |
| 2014 | Селин Лианг |
| 2013 | Даниел Ванг |
| 2012 | Викторија Ксија |
| 2011 | Викторија Ксија |
| 2010 | Даниел Ванг |
| 2009 | Елизабет Синге |
Дополнително, Математичка награда за девојчиња ја доделува и Наградата за Млади на ученици со највисоки оценки од 9 одделение или подолу. Добитници на оваа награда во 2017 година биле Јунсео Чои и Алисија Зи. Победници во 2016 година биле Ешли Ке и Јунсео Чои.
Советодавен одбор[уреди | уреди извор]
Од 2017 година, Советот на советници на конкурсот ги има следниве членови:[11]
- Рави Бопана, директор за математика на Advantage Testing, Inc.
- Јоана Димитриу, професор по математика на Универзитетот во Вашингтон
- Марија Клаве, претседател на Колеџот Харви Мад
- Ричард Рушик, основач на Art of Problem Solving, Inc. и директор на Потрага по математички талент на САД[1]
- Мајкл Сипсер, професор по применета математика и декан на науката на МИТ
- Гиглиола Стафилани, професор по математика Abby Rockefeller Mauze на МИТ
- Лорен Вилијамс, професор по математика на Универзитетот во Калифорнија, Беркли
- Џозепе Ву
- Мелани Вуд, професор по математика на Универзитетот во Висконсин-Медисон
Наводи[уреди | уреди извор]
- ↑ Chu, Jennifer. „MIT hosts Math Prize for Girls“. MIT News. Massachusetts Institute of Technology. Посетено на 2 декември 2020.
- ↑ Xia, Victoria (ноември 2013). „Reckoning with Randomness“ (PDF). Imagine Magazine: 12–14. Архивирано од изворникот (PDF) на 2015-06-30. Посетено на 2 декември 2020.
- ↑ Peterson, Chris. „Math Women Rock“. MIT Admissions. Посетено на 5 August 2017.
- ↑ „Advantage Testing Foundation“. Microsoft New England. 10 септември 2013. Посетено на 2 декември 2020.
- ↑ „MIT to Host Math Competition for Girls“. Mathematical Association of America. Посетено на 2 декември 2020.
- ↑ Schroeder, Bendta. „Math Prize for Girls offers inspiration and mentorship to participants on MIT's campus“. MIT News. Massachusetts Institute of Technology. Посетено на 2 декември 2020.
- ↑ Elfman, Lois. „Math Prize for Girls Thrives at MIT“. Diverse Issues in Higher Education. CMA. Посетено на 2 декември 2020.
- ↑ Smith, Jennifer (27 септември 2014). „For girls, a rare chance to flex math muscles at MIT“. Boston Globe. Посетено на 2 декември 2020.
- ↑ Liebman, Lydia. „MIT President Susan Hockfield applauds 250 High School Women in Math“ (ноември/декември 2011). Education Update. стр. 4.
- ↑ Bopanna, Ravi (23 август 2017). „Math Prize 2016 Award Winners“. Art of Problem Solving. Посетено на 2 декември 2020.
- ↑ „Board of Advisors - Math Prize for Girls“. Advantage Testing Foundation. Посетено на 2 декември 2020.