Мартин Вал
| Мартин Хенрихсен Вал | |
|---|---|
 | |
| Роден(а) | 10 октомври 1749 Берген, Норвешка |
| Починал(а) | 24 декември 1804 (возр. 55) Копенхаген, Данска |
| Авторска кратенка (бот.) | Vahl |
Мартин Хенрихсен Вал (дански: Martin Henrichsen Vahl; роден на 10 октомври 1749 година - починал на 24 декември 1804 година) — данско-норвешки ботаничар и зоолог.[1]
Биографија
[уреди | уреди извор]Мартин Вал бил роден во Берген, Норвешка, каде што завршил катедрално училиште. Студирал ботаника на Универзитетот во Копенхаген, а потоа на Универзитетот во Упсала под менторство на Карл Линеј.
Бил уредник на значајни ботанички трудови како Flora Danica (св. XVI-XXI) (1787 — 1799), Symbolæ Botanicæ (I-III) (1790 — 1794), Eclogæ Americanæ (I-IV) (1796 — 1807) и Enumeratio Plantarum (I-II) (1804 — 1805). Од 1779 до 1782 г. предавал во Ботаничката градина на Универзитетот во Копенхаген.
Вал реализирал неколку истражувачки патувања низ Европа и Северна Африка во периодот меѓу 1783 и 1788 г. Во 1786 г. станал професор во Друштвото за природна историја при Универзитетот во Копенхаген, а од 1801 година па сѐ до неговата смрт работел како редовен професор по ботаника. Во 1792 г. бил избран за странски член на Кралската шведска академија на науките. Неговиот син Јенс Вал, исто така, станал познат ботаничар.
Наводи
[уреди | уреди извор]- ↑ Per M. Jørgensen (1999). „Martin Vahl (1749-1804) – den første norske botanikkprofessor“ (PDF). Blyttia Norsk Botanisk Forenings Tidsskrift, volume 57, page 53. Посетено на 1 јануари 2017.
- ↑ „Автори“. Меѓународен индекс на растителни имиња. (англиски)
Литература
[уреди | уреди извор]- Christensen, Carl (1932) Martin Vahl, pp. 85–88 in: Meisen, V. Prominent Danish Scientists through the Ages. University Library of Copenhagen. Levin & Munksgaard, Copenhagen.