Марлоу (филм)

„Марлоу“ (англиски: Marlowe) – филм на режисерот Нил Џордан (Neil Jordan) од 2022 година. Џордан е автор и на сценариото, заедно со Вилијам Монахан (William Monahan). Главните улоги ги играат: Лијам Нисон (Liam Neeson), Дајан Кругер (Diane Kruger), Џесика Ланг (Jessica Lange), Адавеле Акинује-Агбаџе (Adewale Akinnuoye-Agbaje), Ијан Харт (Ian Hart), Колм Мини (Colm Meaney), Даниела Мелкиор (Daniela Melchior), Франсоа Арно (François Arnaud), Дени Хјустон (Danny Huston) и Алан Каминг (Alan Cumming).

Синопсис

Во 1939 година, во Лос Анџелес, приватниот детектив Филип Марлоу (го игра Нисон) е осамен и немиерн како и секогаш, но нема никаква работа. Меѓутоа, кај него доаѓа нова клиентка, младата и убава Клер Кевендиш (ја игра Кругер) која е ќерка на холивудската глумица Дороти Квинканон (ја игра Ланг). Таа бара од Марлоу да го пронајде нејзиниот поранешен љубовник, ситниот дилер Нико Питерсон. Истрагата го води Марлоу до клубот „Корбат“ во која се собираат богатите и моќни луѓе од Лос Анџелес, а кој го води Флојд Хансон (го игра Хјустон). Кога ќе дознае за случајната смрт на Нико, Марлоу се сомнева во таа приказна и набргу открива дека смртта на Нико е лажирана и дека Нико е жив. Наскоро, Марлоу е маѓепсан од заводливата госпоѓица Кевендиш, но и ќе се заплетка во мрачната страна на холивудскара филмск аиндустрија, заедно со со најбогатите семејства од Санта Моника. Притоа, тој сфаќа до каде се подготвени да одат богатите за да ги заштитат своите интереси...