Манас (река)

Од Википедија — слободната енциклопедија
Прејди на прегледникот Прејди на пребарувањето
Манас
Manas River.jpg
Манас на границата на Бутан
Manasrivermap.png
Manas River drainage basin
Земја Индија, Бутан, Кина
Слив
Речен систем Брамапутра
Физички особености
Должина 376 kiloметарs (234 ми)

Манас е меѓународна река во подножјето на Хималаите меѓу Бутан и Индија. Името го добила по Манас, бог на земјата во хиндуистичката митологија. Извира на јужните падини на Хамалаите и претставува најголем речен систем во Бутан. Должината на реката е 376 км, од кои 272 км тече низ Бутан, а 104 км низ индиската сојузна држава Асам. Се влева во реката Брамапутра кај градот Јохихоп во Индија. Во долината на реката постојат два големи резервати: Кралскиот национален парк Манас, создаден 1966 година, кој се простира на 43.834 хектари и Националниот парк Манас создаден 1955 година, кој се простира на 391.000 хектари. Во него постои резерват за тигри и слонови кој се дел од светското наследство на УНЕСКО од 1955 година.

Вкупниот слив на реката опфаќа површина од 41.350 km² во Бутан и Индија. Кури Чу или Лобрак е главна притока на реката Манас. Таа е единствената река која извира северно од Големите Хималаи и се влева во Манас на југот на Бутан. До неа се поголемите притоки Тонгс Чу и Бумтанг. Вкупната должина на реката е 376 км.

Долината на реката во долниот речен тек во подножјето, е опкружена со мали ливади кој се наоѓаат меѓу густо листопадните ридови и многу реки, потоци и природни одводни канали кои се влеваат во Манас. Во долниот тек на реката, постојат многу мазна песочна површина прекриена со дрвја. Манас е планинска река. Надморската висина на која тече реката варира од 100 метри во близина на индиската граница до 7.500 метри на Хималаите. Голем распон во надморската висина и разновисни климатски услови овозможуваат богата флора и фауна во сливот на реката.

Климата варира, од топли и влажни суптропски услови на југ, од ладни и суви алпски услови на север. Од мај до октомври на југ, монсун носи обилни дождови, повеќе од 4.000 милиметри дожд. Понатаму на север, измерен е многу мал од 600 до 700 милиметри дожд од период од јуни до август. Разликата меѓу максималниот и минималниот протокол на реката е забележан во текот на монсун и сувите месеци тоа се разликува и до 20 пати. Реката Манас има просечен проток 7.641 m3/s.


Наводи[уреди | уреди извор]