Мал орел кликач

Од Википедија — слободната енциклопедија
Прејди на прегледникот Прејди на пребарувањето
Мал орел кликач
Aquila pomarina orlik krzykliwyAM.jpg
Возрасен
Заблежи ги белите дамки на крилјата и белиот V знак на опашката
Научна класификација
Царство: Животни
Колено: Хордови
Класа: Птици
Ред: Соколовидни
(или Јастребовидни)
Семејство: Јастреби
Потсемејство: Глувчари (спорно)
Род: Орел
Вид: Мал орел кликач
Биномен назив
Aquila pomarina
Brehm, 1831
Распространетост: лето (светлозелено) и зима (сино)

Малиот орел кликач (науч. Aquila pomarina) е голема граблива птица распространета низ источна Европа, вклучувајќи ја и Македонија. Како сите типични орли, тој припаѓа во фамилијата на јастребите.

Опис[уреди | уреди извор]

Цртеж на мал орел кликач

Малиот орел кликач е средно голем орел, со должина од околу 60 см, и распон на крилјата од 150 см. Главата и горните пердуви на крилјата му се светло кафеави во контраст со целосно темното перје. Главата и клунот му се мали за орел. Обично имаат бели дамки на горниот дел од крилјата и карактеристичен V бел знак кај опашката.

Младенчињата имаат помалку контрастни бои на крилјата.

Повикот му е како кучешко јип.

Систематизација[уреди | уреди извор]

Оваа птица порано се сметала за подвид на постојаниот жител на индискиот вид - индиски орел кликач (Aquila hastata), кој во суштина многу се разликува според морфологијата, однесувањето, животната средина и ДНА анализата. Европскиот вид, всушност е многу поблизок до големиот орел кликач, чиј претходник дивергирал некаде во средниот плиоцен, пред 3.6 милиони години [2] од предците на индиските птици. Прото-орелот кликач, најверојатно живеел во регионот на Авганистан, и се разделил на северна и јужна линија кога започнало последното ледено доба. Северната линија се разделила на источните и западните денешни видови.[3]

Како група, орлите кликачи доста се разликуваат од типичните, „вистинските“ орли.

Две јајца во гнездо

Денешниот вид понекогаш се хибридизира со големиот орел кликач. Ваквите хибриди речиси е невозможно да се идентификуваат ако не се погледнат убаво одозгора.[4]

Распространетост и живеалиште[уреди | уреди извор]

Малиот орел кликач се размножува во централна и источна Европа и југоисточно до Турција, а зимува во Африка. Овој вид живее во отворена земја, со малку шума, каде лови мали цицачи и друг сличен плен. Гнездото го прави на дрво, а несе 1-3 бели, со жолтеникави точки, јајца. Како и другите орли, само ако имаат богато ловиште одгледуваат повеќе од едно младенче. Женката ги лежи јајцата откако ќе го снесе првото, а кога тоа ќе се испили, обично ги надраснува другите и порано или подоцна ќе ги убие или изеде останатите.

Фусноти[уреди | уреди извор]

  1. BirdLife International (2012). "Aquila pomarina". Црвен список на загрозени видови на МСЗП. Верзија 2012.1. Меѓународен сојуз за заштита на природата. конс. 16 July 2012.  (англиски)
  2. The estimate in Väli (2006) is certainly incorrect; it uses a molecular clock that is appropriate for small passerines with half the generation times of eagles.
  3. Parry et al. (2002), Rasmussen & Anderton (2005), Väli (2006)
  4. Väli & Lõhmus (2004)

Наводи[уреди | уреди извор]

Литература[уреди | уреди извор]

  • Svensson, Lars (1987) Underwing pattern of Steppe, Spotted and Lesser Spotted Eagles, pp. 12–14 in International Bird Identification: Proceeedings of the 4th International Identification Meeting, Eilat, 1st - 8th November 1986 International Birdwatching Centre Eilat

Надворешни врски[уреди | уреди извор]