Малечката Фадета

Од Википедија, слободната енциклопедија
Прејди на: содржини, барај
„Малечката Фадета“  
9ee0a572a91c1edb3517cb9e280662d3.jpeg
корица на романот
Автор Жорж Санд
Наслов на
оригиналот
La Petite Fadette
Земја Франција
Јазик Француски
Жанр(ови) роман
Издадена 1849 год.
Медиум Печатена (меки корици)

Малечката Фадета (на француски: La Petite Fadette) е роман од 1849 година, од француската писателка Жорж Санд. Санд ја напишала книгата во текот на 1840-тите, но првото издание на некој странски јазик било дури во 1900 год. Во 2004 год. оваа приказна е екранизирана во форма на детска ТВ серија.

Кратка содржина[уреди]

Приказна за браќата близнаци Силвине и Ландри кои од самото раѓање се поврзани еден со друг и не можат да опстанат посебно. Откако потпораснуваат, Ландри заминува да работи во соседството, кај пријателот на својот татко Кајо, а Силвине се крши и постојано тагува и се разболува. Незадоволен од ладниот однос на својот брат тој бега од својот дом кон блиската река.

Во меѓувреме Ландри го бара својот брат и смета дека одговор ќе му даде старицата Фаде која сите ја сметале за вештерка бидејќи правела чудни лекови. Старицата има две внучиња Фадета и Жане чија мајка ги напуштила како мали, па таа се изживувала врз нив. Одговорот на Ландри му го дава Фадета и при тоа го обврзува и тој да ѝ исполни некое нејзино барање во иднина. Подоцна Фадета ќе успее да го извлече Ландри од реката и конечно му кажува дека треба да танцува со неа на селскиот бал (Фадета била грда и се облекувала како машко). По танцот, се раѓаат искри помеѓу Ландри и Фадета и конечно се вљубуваат еден во друг. Откако родителите на Ландри ќе дознаат за тоа му наредуваат повеќе да не се гледа со неа.[1]

Фадета заминува од селото, а по неколку месеци се враќа бидејќи баба ѝ умрела. Баба ѝ ѝ остава големо наследство и родителите му дозволуваат на Ландри да се венча со неа. За сето тоа време Силвине страда, но конечно ќе се помири откако Фадета ќе го крене на нозе и тој заминува во војска.

Ликови[уреди]

  • Ландри Барбо - посилниот од двајцата близнаци
  • Силвине Барбо - послабото и љубоморно братче
  • Кајо Барбо - татко на близнаците
  • Франсоа Фадета - грдото девојче од селото, подоцна голема љубов на Ландри
  • Жане - помалиот брат на Фадета
  • Фаде - бабата на Фадета и Жане
  • Мадлон - едно од поубавите девојчиња во селото

Наводи[уреди]

Поврзано[уреди]