Македонско хералдичко здружение

Од Википедија — слободната енциклопедија
Прејди на: содржини, барај
Македонско хералдичко здружение
Голем грб на Македонското хералдичко здружение.png
Голем грб на Македонското хералдичко здружение
Кратенка МХЗ
Основана 2003
Членство Членови на МХЗ
Претседател Јован Јоновски
Потпретседател Петар Гајдов
Секретар Александар Гижаровски
Мреж. место heraldika.org.mk

Македонско хералдичко здружение (МХЗ) — единствено стручно тело од областа на хералдиката, вексилологијата, фалеристиката, шивалристиката и нобиларни прашања во Македонија. Здружението е основано на 2 јули 2003 година во Скопје.

Грб и знаме на здружението[уреди | уреди извор]

Грб и знаме на Македонското хералдичко здружение
Голем грб на Македонското хералдичко здружение.png
Варијанти
Среден грб на Македонското хералдичко здружение.png
Среден грб на Македонското хералдичко здружение
Мал грб на Македонското хералдичко здружение.png
Мал грб на Македонското хералдичко здружение
Знаме на Македонското хералдичко здружение.png
Знаме на Македонското хералдичко здружение
Подробно
Грбоносец Македонско хералдичко здружение
Усвоен 2003
Штит На црвен штит, сребрен хипокамп, кој во предните нозе држи вкрстени перо и хералдска палка, двете златни.
Други елементи Хералдски палки, хералдска круна, мантија

Грб[уреди | уреди извор]

Грбот на Македонското хералдичко здружение има три хералдички претстави: мал, среден и голем грб.

Малиот грб на здружението е со блазон: на црвен штит, сребрен хипокамп, кој во предните нозе држи вкрстени перо и хералдска палка, двете златни.

Средниот грб на здружението е со блазон: на црвен штит, сребрен хипокамп, кој во предните нозе држи вкрстени перо и хералдска палка, двете златни. Над штитот хералдска круна. Позади штитот две вкрстени хералдски палки.

Големиот грб го преставува средниот грб обвиен со црвена мантија поставена со сребро, крунисана со хералдска круна.

Знаме[уреди | уреди извор]

Знамето на здружението е банер со размер 1:1 со блазонот на грбот.

Извршен одбор[уреди | уреди извор]

Претседател и хералд на здружението е м-р Јован Јоновски, член на комисијата за одликувања на Претседателот на Република Македонија, член на Меѓународната комисија за витешки редови (ICOC), вонреден член на Меѓународната академија по хералдика (AIH). Уредник на „Македонски хералд“.

Потпретседател и персевант на здружението е Петар Гајдов, правник, раководител на секцијата за фалеристика.

Секретар и персевант на здружението е Александар Гижаровски, софтверски инженер, раководител на секцијата за вексилологија, уредник на „Македонски хералд“.

Активности[уреди | уреди извор]

Популаризација на хералдиката[уреди | уреди извор]

Популаризацијата на хералдиката се остварува преку предавања, работилници и присуство во медиумите.

Предавања имале низа предавачи од земјата и од странство. Меѓу предавачите од странство се д-р Стојан Антонов, претседател на Бугарското хералдичко и вексилолошко друштво и проф. д-р Иван Балта од Филозофскиот факултет во Осијек, кои на неколку наврати имале свои предавања, како и д-р Вујадин Иванишевиќ од Византолошкиот институт во Белград.

Предавања за теоретската хералдика и работилници со практично оспособување се одржувале во соработка со неколку организации. Најголема е соработката со Музејот на Македонија и проектот „Чудесниот свет на хералдиката“ во текот на кој три години се одржувале предавања и работилници.

Популаризацијата на хералдиката, како и вексилологијата и фалеристиката се остварува и преку многуте написи во дневниот печат и гостувања на електронските медиуми[1].

Истражување на хералдичкото наследство[уреди | уреди извор]

Истражувањата на македонското хералдичко наследство во и поврзано со Македонија се централен дел на активностите на здружението. Истражувања се вршени по архиви, библиотеки, приватни колекции во Загреб, Штутгарт, Брисел и Вашингтон[2]. Резултатите од истражувањата се разменуваат и надополнуваат со колеги од други земји на конгреси и симпозиуми, како и на дискусиони групи и форуми.

Изработка на грбови, знамиња и одликувања[уреди | уреди извор]

Македонското хералдичко здружение се занимава и со дизајнирање на грбови, знамиња, одликувања и слично. Меѓу позначајните се грбот на Претседателот на Република Македонија и грбот на Македонската православна црква, како и Орденот за заслуги за Македонија.

МХЗ активно работи и на подобрување на квалитетот и на стандардизација на месната хералдика во Република Македонија. Членови на здружението се автори и на грбовите и знамињата на општините: Охрид, Радовиш, Ново Село, Крива Паланка, Кочани, а за неколку беше и консултирано при изборот на општински грб.

Создавање на хералдички регистар[уреди | уреди извор]

Една од активностите на здружението е и формирање на регистар на хералдички достигнувања (грбови, знамиња, беџови) во кој се регистрираат стари и нови грбови. За регистрираните грбови, МХЗ издава и соодветна матрикула. Истите се објавуват и во „Македонски хералд“.

Почетоци[уреди | уреди извор]

Во 2000 година претседателот на здружението м-р Јован Јоновски ја објавува веб страницата „Хералдика во Македонија” на која објавува грбови и исечоци од книгата „Грбовите на Македонија“ на д-р Александар Матковски, на англиски и македонски јазик. Страницата набргу е надополнета со грбови кои се користат во Македонија, и тоа: територијални, корпоративни и лични. Страницата почнува да објавува и информации за историската, теориската и хералдиката воопшто. Околу веб страницата се собира група заинтересирани, претежно македонци од странство. Кога конечно се собираат доволно заинтересирани за поорганизирано дејствување во Македонија, во јули 2003 година е основано Македонското хералдичко здружение[3].

„Македонски хералд“[уреди | уреди извор]

Македонското хералдичко здружение го издава гласникот „Македонски хералд“ во кој членовите на здружението објавуваат статии за своите истражувања, се коментираат општинските грбови и знамиња, се објавуваат хералдичките достигнувања кои се заведуваат во хералдичкиот регистар, како и статии од областа на фалеристиката, сигнуманистиката и амблематиката.

Гласникот е двојазичен, на македонски и англиски јазик.

Покрај печатеното издание, „Македонски хералд“ е слободно достапен и на веб страницата на здружението.

Меѓународни активности[уреди | уреди извор]

Македонското хералдичко здружение е полноправен член на Меѓународната конфедерација за генеологија и хералдика (CIGH) од 29. Меѓународен конгрес на генеолошки и хералдички науки во Штутгарт, Германија, одржан во септември 2010 година[4].

На 24. Конгрес на Меѓународната федерација на вексилолошки друштва (FIAV) во август 2011 година во Вашингтон, САД, здружението станува полноправен член на оваа престижна организација[5].

Македонското хералдичко здружение беше логистичка подршка за основање на Бугарското хералдичко и вексилолошко друштво (БХВО). На годишните собранија на БХВО редовно учествува делегација на МХЗ.

Претседателот на МХЗ присуствувал и на основањето на Хрватското хералдичко и вексилолошко друштво (HGZD), со кое развива стручна соработка и пријателски односи.

Соработка има и со Српското хералдичко друштво „Бели Орао“.

Членовите на здружението имаат објавувано статии во специјализираните списанија: „Грб и Застава“ на Хрватското хералдичко и вексилолошко друштво, „Херолд“ на Бугарското хералдичко и вексилолошко друштво и „Глас хералда“ и „Оцило“ на Српското хералдичко друштво.

Проекти[уреди | уреди извор]

  • „Чудесниот свет на Хералдиката“, Музеј на Македонија, 2007-2009
  • Постојана поставка „Хералдиката во Македонија“, Музеј на Македонија, 2009[6][7]
  • Грбовите на Александар Македонски во европските грбовници, Министерство за култура, 2010-2011

Наводи[уреди | уреди извор]

Поврзано[уреди | уреди извор]

Портал „Хералдика

Надворешни врски[уреди | уреди извор]