Македонско девојче 2

Од Википедија — слободната енциклопедија
Прејди на: содржини, барај
„Македонско девојче 2“
албум од Каролина Гочева
Издаден 25 февруари 2014
Издавачка куќа Авалон продукција
Каролина Гочева — Хронологија
Капка под небото
(2010)
Македонско девојче 2
(2014)
Издадени песни од Македонско девојче 2
  1. "Чалгиска"
    Издадена: декември 2013

Македонско девојче 2“ е десеттиот студиски албум на македонската пејачка Каролина Гочева првпат излезен во продажба на 25 февруари 2014 година. Албумот е издаден преку дискографската куќа Авалон продукција во Македонија. Хрватската куќа Далас рекордс исто така го издала албумот низ земјите на поранешна Југославија во април 2015 година.

Три синглови биле издадени од албумот. Песната „Чалгиска“ е објавена на 6 декември 2013 година пред албумот да биде издаден во продажба. Песната „Кој да ми запее“ била издадена во април 2015 година и почнала да кружи низ радио станиците во Македонија и државите од бивша Југославија. Со цел дополнително да го промовира „Македонско девојче 2“, Гочева одржала голем број на концерти во разни градови низ Македонија пред и по издавањето на албумот.

Позадина[уреди | уреди извор]

Во 2008 година, Гочева го издава албумот „Македонско девојче“ кој се одликува со елементи од нардоната македонска музика.

Промоција и синглови[уреди | уреди извор]

Од 20 до 24 февруари, Гочева одржала пет концерти во салата на Македонска опера и балет (МОБ). Посетителите на тие концерти биле првите кои добиле примероци од албумите заедно со купените влезниците кои излегле на продажба на 9 декември 2013 година.[1] На 13 декември 2014 година, во салата „Борис Трајковски“, Каролина одржала концерт во рамките на проектот „Македонско девојче 2“, организиран од Авалон продукција.[2] На овој концерт, заедно со влезниците посетителите добивале и ДВД кое содржи снимки од настапите за време на концертите одржани во МОБ.[3] Песната „Чалгиска“ била издадена како првиот сингл од албумот. За првпат бил објавен на 6 декември 2013 на официјалната Facebook страница на пејачката како и на таа на нејзината издавачка куќа Авалон продукција.[1] Песната „Кој да ми запее“ исто така била издадена како сингл во април 2015 година кога била доставена низ различни радио станици во Македонија и земјите низ бивша Југославија.[4][5]

Издавање во продажба[уреди | уреди извор]

На 24 февруари 2014, преглед на албумот, со кратки извадоци од сите негови песни бил објавен на официјалната YouTube страница на Гочева.[6] На 16 април 2014 година, албумот можел да се набави дигитално низ целиот свет преку музичката платформа iTunes Store.[7] На 26 април 2015 година, албумот бил издаден во продажба низ сите земји на поранешна Југославија (Србија, Хрватска, Црна Гора, Босна и Херцеговина и Словенија) преку издавачката куќа Далас рекордс.[4]

Наводи[уреди | уреди извор]

  1. 1,0 1,1 „Каролина ќе го промовира “Македонско Девојче 2” со пет концерти во МОБ“. Kajgana.com. 3 декември 2013. https://kajgana.com/karolina-kje-go-promovira-makedonsko-devojche-2-so-pet-koncerti-vo-mob. конс. 17 јули 2017 г. 
  2. Ѓорге Стојанов, „Се радувам на секој момент, ова го чекав цел живот“, Дневник, година XVIII, број 5642, понеделник, 15 декември 2014, стр. 21.
  3. „Македонско девојче со Каролина“. Официјална страница на Каролина Гочева. Авалон продукција. ноември 2014. http://www.karolinagoceva.net/. конс. 17 јули 2017 г. 
  4. 4,0 4,1 „Каролина се продава низ цела екс Југославија“. Vesti.mk. 26 април 2015. http://www.vesti.mk/read/news/5284112/2003241/karolina-se-prodava-niz-cela-eks-jugoslavija. конс. 26 јули 2017 г. 
  5. В., Б. (29 април 2015). „Хрватски „Далас рекордс“ го објави „Македонско девојче 2“ на Каролина Гочева“. Плусинфо. http://www.plusinfo.com.mk/vest/24006/dalas-rekords-go-objavi-makeodnsko-devojce-2-na-karolina-goceva. конс. 26 јули 2017 г. 
  6. Karolina - Makedonsko Devojce 2 (Album Preview). YouTube. KarolinaGocevaONAIR. 24 февруари 2014. https://www.youtube.com/watch?v=waIsc8W2-mU. конс. 19 јули 2017 г. 
  7. „Целиот свет ќе го слуша албумот „Македонско девојче 2“ на Каролина“. Press24. 16 април 2014. http://www.press24.mk/celiot-svet-kje-go-slusha-albumot-makedonsko-devojche-2-na-karolina. конс. 26 јули 2017 г. 

Надворешни врски[уреди | уреди извор]