Рок музика во Македонија

Од Википедија — слободната енциклопедија
(Пренасочено од Македонски рок групи)
Прејди на прегледникот Прејди на пребарувањето

Македонскиот рок датира од раните шеесетти, при што во тој период се формирани бендови кои со големи потешкотии се пробиваат на тогашната македонска музичка сцена во рамките на поранешна Југославија. Најголем подем доживува од седумдесетите до деведесетите години од XX век, додека од крајот на минатиот па до почетокот на XXI век, се развива таканаречена „алтернативна“ или „underground“ сцена во Република Македонија. Оваа сцена ги опфаќа скоро сите субжанрови на рок музика, вклучувајќи ја и метал музиката, и современи жанрови кои постојат напоредно со рок музиката.

1960-ти[уреди | уреди извор]

Еден од бендовите кои успеале да се афирмираат меѓу првите е групата „Бис Без“, кои биле под силно влијание на легендарните Битлси. Формирани се во 1964 како резултат на спојување на веќе постоечките бендови „Бисери“ и „Безимени“.

1970-ти[уреди | уреди извор]

Во периодот на 1970-тите биле формирани групите Пу, Ден за ден, Мадригали, Лева Патика (бенд), Триангл, Автограм и други. Повеќето од нив биле хард рок, прогресивен рок, фолк рок, џез рок и фанк рок. Кон крајот на 1970-тите се популаризира панк рокот. Најважни преставници на овој правец се групите Бадминтонс и Сарацени, предводени од Владимир Петровски-Картер. Подоцна тој ја формирал групата Александар Македонски. Во развитокот на „Њу вејв“ (New Wave) жанрот учествувале Цилиндер (бенд), Токму така и Уста на уста. Во овој период се формирале и Леб и сол, едни од најуспешните македонски рок групи, а меѓу најпознатите хард рок групи се Конкорд и Карамела.

1980-ти[уреди | уреди извор]

1980-тите се можеби најуспешниот период на македонската рок музика. Меѓу најпознатите бендови од овој период се Бастион, Хаос ин Лаос, Меморија, Анастасија, додека пак култните македонски бендови Мизар, Архангел и Падот на Византија оставиле веројатно најголем белег во македонската рок музика.

1990-ти[уреди | уреди извор]

Во 1990-тите се популаризира хеви метал правецот. Најзначаен преставник од овој правец е групата Санаториум. Во овој период се формираат и алтернативните бендови Suns, Last Expedition, Balkan Express, Паркети, D' Daltons, Рок агресори. Во втората половина на 1990-тите се појавуваат првите хардкор панк бендови како Smut, Флукс, Sidewalk, No Name Nation, Siniac и други.

2000-ти[уреди | уреди извор]

Во 2000-тите, најуспешни групи се Суперхикс (ска панк), Поинт Бленк (рок/метал), Дени те чува (мелодик харкор), Верка (фолк метал), Културно Уметнички Работници (гаражен панк), Вernаys рropaganda (инди рок, пост панк), Новиот почеток (хардкор панк), Mooger Fooger (инди рок), Pumpers (алтернативен рок) и други.

2010-ти[уреди | уреди извор]

Бендови кои ја бележат првата половина на 2010-тите се Визија (алтернативен рок), ХаХаХа (панк рок), Foolish Green (психоделичен рок), Колт (гранџ, прогресивен рок), Молокаи (сурф рок), Smoke Shakerѕ (инди рок), Chromatic point (прогресивен метал), Culture Development (пост хардкор), Темпера (алтернативен рок) и други.

Рок фестивали[уреди | уреди извор]

Во Македонија постојат неколку рок музички фестивали, а меѓу најпознатите се „Таксират“ и „Скопје Гори“ каде што гостувале истакнати музички ѕвезди. Исто така постојат и помали фестивали за демо бендови меѓу кои и најстариот рок фестивал во Македонија - „Рок Фест“, а тука се и „Loser fest“, „Т'к - Так фест“ и други.

Листа на македонски рок групи[уреди | уреди извор]

Наводи[уреди | уреди извор]