Магдалена Антова

Од Википедија — слободната енциклопедија
Магдалена Антова
Родена Магдалена Јорданова Антова
20 јуни 1920
Куманово, Кралство СХС
(денес Македонија)
Починала 14 октомври 1941(1941-10-14) (возр. 21)
Белановце
убиство
Националност Македонка
Занимање Борец во НОБ
Роднини Методи Антов (брат)

Магдалена Јорданова Антова (Куманово, 20 јуни 1920 - Белановце, Кумановско, 14 октомври 1941) — македонска комунистика, учесник во НОБ. Таа е првата загината партизанка во НОАВМ.[1][2][3][4]

Животопис[уреди | уреди извор]

Антова е родена во Куманово на 20 јуни 1920 година. Таа како обична работничка шивачка била примена како член на СКОЈ во 1939 година. По фашистичката окупација на градот успеала да ослободи неколку заробени војници од војската на Кралството Југославија, а со братот Методи прибрала поголемо количество оружје за потребите на Месниот комитет на КПЈ.

Била борец на Карадачкиот партизански одред (12-14 октомври 1941), кој по предавство бил опколен од бугарската војска и полиција во една селска воденица кај Белановце. Во битката Антова загинала заедно со повеќе нејзини соборци. Нејзината трагедија е во тоа што таа била издадена од сопствениот татко кој бил бугарофил. Поради овој настан и денес во Куманово се користи изразот „Антова несреќа“.[5]

Во нејзина чест едно кумановско основно училиште го носи нејзиното име.

Наводи[уреди | уреди извор]

  1. „Македонска енциклопедија“, Скопје, МАНУ, 2009, 71 стр.
  2. „Жените од Македонија во НОВ 1941-1945“, Зборник на документи, Скопје, 1976.
  3. Ив(анка) Мургашанска, „Женски хор „Магдалена Антова“ 1946-1978“, Куманово, јуни 1979.
  4. „Куманово и Кумановско во НОВ 1941-1942 година“, Материјали од научниот собир одржан на 12, 13 и 14 декември 1978, Куманово, декември 1979.
  5. Симо Младеновски, „Магдалена Јорданова Антова“, „Просвета“, XXV, 531-532, Скопје, 12, X 1981, 8.