Меѓународно биро за тегови и мерки
 | |
| Мреж. место | bipm.org |
|---|---|
Меѓународното биро за тегови и мерки или МБТМ (фр. Bureau international des poids et mesures, BIPM) е меѓународна организација за стандардизација, еден од трите органи што раководат со Меѓународниот систем на мерни единици (SI) согласно условите на Метарската конвенција (Convention du Mètre).
Историја
[уреди | уреди извор]МБТМ е основано на 20 мај 1875 по потпишувањето на Метарската конвенција, која е договор со 51 земји-потписнички[1].[2] Сместено е во Бретејскиот павилјон во париското предградие Севр, каде ужива екстратериторијален статус.[3][4][5]
Функција
[уреди | уреди извор]Според договореното во Метарската конвенција, МБТМ има задача да ја запази еднообразноста и доследнсота на SI-единиците ширум светот. Ова го прави со помош на разни советодавни комисии, чии членки се националните метролошки бироа и лаборатории на земјите-постписнички, како и со сопствената лабораториска работа
МБТМ врши мерни испитувања и истражувања. Организира и учествува во меѓународни споредби на националните мерни стандарди и врши баждарење на еталоните на нејзините членки.
Организацијата игра важна улога во одржувањето на точното време во светот. Ги комбинира, анализира и вопросечува официјалните атомски часовни стандарди на членките ширум светот, со цел да се утврди единствено координирано универзално време (UTC).
Поврзано
[уреди | уреди извор]- Меѓународна организација за стандардизација
- Биро за метрологија на РМ
- Институт за стандардизација на Република Македонија
Наводи
[уреди | уреди извор]- ↑ податок од август 2008
- ↑ „Кратка историја на SI“. МБТМ. Посетено на 21 април 2009. (англиски)
- ↑ „МБТМ од 1875 до денес“. МБТМ. Посетено на 20 мај 2011. (англиски)
- ↑ Multon, J. L. (1996). Analysis and Control Methods for Food and Agricultural Products, Quality Control for Food and Agricultural Products, Volume 1. Wiley-IEEE. стр. 3. ISBN 0471186171.
- ↑ Von Baeyer, Hans Christian (2000). Taming the Atom. Courier Dover Publications. стр. 146. ISBN 0486414477.
Надворешни врски
[уреди | уреди извор]- Меѓународно биро за тегови и мерки (француски) (англиски)
|