Прејди на содржината

Лука Вушковиќ

Од Википедија — слободната енциклопедија
Лука Вушковиќ
Лични податоци
Роден на 24 февруари 2007(2007-02-24) (19 г.)
Роден во Загреб, Хрватска[1]
Држава Хрватска Хрватска
Висина &100000000000001930000001,93 м[2]
Позиција одбрана
Клупски податоци
Сегашен клуб Хамбургер Хамбургер
Број 44
Младинска кариера
Хајдук Сплит Хајдук Сплит
Кариера*
Години Клуб Наст. (Гол.)
2023–2025 Хајдук Сплит Хајдук Сплит 8 (0)
2024 →Радомјак Радом Радомјак Радом 14 (3)
2024–2025 →Вестерло Вестерло 36 (7)
2025- Тотенхем Тотенхем 0 (0)
2025- →Хамбургер Хамбургер 28 (6)
Репрезентација
2021 Хрватска Хрватска 15 3 (0)
2022 Хрватска Хрватска 16 3 (0)
2022 Хрватска Хрватска 17 4 (1)
2023 Хрватска Хрватска 19 5 (0)
2024- Хрватска Хрватска 21 10 (2)
2025- Хрватска Хрватска 4 (1)

Лука Вушковиќ (роден на 24 февруари 2007 година, во Сплит) — хрватски фудбалер, играч од одбраната на Хамбургер, на заем од Тотенхем Хотспар, и на хрватската репрезентација.

Биографија

[уреди | уреди извор]

Лука е роден во Сплит и потекнува од фудбалско семејство.[3][4] Неговиот прадедо Марко и дедо Марио биле фудбалери и играле за Хајдук,[3] како и татко му Даниел, кој исто така играл за Хајдук и потоа работел во академијата на клубот кога Лука бил таму. Конечно, неговиот брат Марио, е исто така фудбалер и во моментов игра заедно со него во Хамбургер.[3]

Технички карактеристики

[уреди | уреди извор]

Централен дефанзивец, познат по солидно маркирање и воздушните дуели, благодарение на неговата импозантна градба и физичка сила. Добрата игра во возухот и одземањето на топката од противниците, во комбинација со извонредната способност за игра со двете нозе и прецизноста во додавањата го прават комплетен и модерен одбранбен играч. Неговата тактичка интелигенција му овозможува да ги предвиди потезите на противникот и да ја одржи контролата дури и кога е под притисок, што го прави столб на одбраната.[5][6] Сметан за еден од најперспективните таленти на својата позиција, во 2024 година бил вклучен во листата на 60 најдобри фудбалери родени во 2007 година, составена од „The Guardian“.[7]

Клупска кариера

[уреди | уреди извор]

Хајдук Сплит

[уреди | уреди извор]

Роден во Сплит, Вушковиќ напредувал низ младинските категории во академијата на локалниот клуб Хајдук Сплит, станувајќи најмладиот Хрват што играл, и постигнал гол, во Младинската лига на УЕФА.[8][9][10]

На возраст од само 15 години, тој играл за првиот тим на Хајдук во пријателскиот натпревар против Уранија во септември 2022 година.[11][12] На 16 декември 2022 година, тој играл и постигнал гол во друг пријателски натпревар против Шалке 04.[13]

На 26 февруари 2023 година, два дена по неговиот шеснаесетти роденден, Вушковиќ го направил своето официјално деби за првиот тим на Хајдук, започнувајќи и играјќи ги комплетните 90 минути во дерби натпреварот од првенството против Динамо Загреб, кој завршил со пораз на неговиот тим од 4–0.[14][15][16] Со тој настап, тој станал најмладиот играч во хрватската прва лига, заедно со Марко Дабро;[17][15] покрај тоа, Вушковиќ исто така, станал најмладиот играч кој некогаш настапил во натпревар од Вечното дерби, надминувајќи го Јосип Башиќ.[15] На 2 март 2023 година, Вушковиќ го постигнал првиот гол во победата на Хајдук од 2–1 над Осиек во четвртфиналето на Купот на Хрватска.[18] Постигнувајќи гол на 16 години и 5 дена, тој станал најмладиот стрелец во историјата на Хајдук во официјални натпревари.[19] И покрај млда возраст, Вушковиќ ја завршил сезоната 2022-2023 со 11 официјални настапи за Хајдук (8 во првенството и 3 во купот) и еден постигнат гол.

Радомјак Радом и Вестерло

[уреди | уреди извор]

На 31 јануари 2024 година, откако не настапил ниту еднаш за Хајдук од почетокот на сезоната 2023–2024, Вушковиќ се приклучил на полскиот клуб Радомјак Радом на шестмесечна позајмица.[20] Тој го имаше своето деби на 10 февруари 2024 година, влегувајќи во игра како замена во 64-тата минута за Мајк Сестор во натпреварот од Екстракласа загубен со 6–0 на гости против Краковија.[21] Шест дена подоцна, Вушковиќ го одиграл својот прв натпревар за клубот како стартер во поразот од 0–4 на домашен терен од Погон Шчеќин. На 4 март, Вушковиќ го постигнал првиот гол во дресот на Радомјак во победата со 2-1 во првенството над Стал Мелец. Четири дена подоцна, тој ја затресол мрежата и на Пјаст Гливице по само пет минути игра во уште еден успех на неговиот тим (2-3). Позајмицата во Полска ја завршил со 14 првенствени настапи и 3 гола, по што играчот се вратил во Хајдук.[22]

На 9 јули 2024 година, тој бил позајмен на Вестерло во Белгиската Про лига.[23] Дебитирал во белгиското првенство на 28 јули, играјќи како стартер во победата со 3-0 на домашен терен над Серкл Бриж, а веќе во следниот натпревар го постигнал својот прв гол за Вестерло во победата со 2-4 на гостувањето кај Мехелен.[24] Вушковиќ имал многу позитивна сезона во Белгија, играјќи како стартер во 28 од 30 натпревари во регуларниот дел од првенството (пропуштајќи само два поради суспензија) и постигнувајќи 7 гола, со кој иако игра како централен дефанзивец бил втор најдобар стрелец на тимот за сезоната зад сонародникот Матија Фриган. Тој, исто така, ја добил наградата за „Гол на сезоната во Белгиската Про лига“ за погодокот против Клуб Бриж.[25]

Тотенхем и Хамбургер

[уреди | уреди извор]

Уште на 25 септември 2023 година, Вушковиќ потпишал за англискиот клуб од Премиер лигата, Тотенхем Хотспар, на кој требало според договорот да му се приклучи во 2025 година, кога ќе наполни 18 години.[26] Вредноста на трансферот, изнесувала околу 12 милиони фунти, а Вушковиќ потпишал договор во трајност до 2030 година.[27] Откако земал учество во неколку подготвителни натпревари на Тотенхем во претсезоната, тој бил неискористена замена во Суперкупот на УЕФА како и во првите два натпревари на Тотенхем во Премиер лигата против Барнли и Манчестер Сити.[28][29][30] Иако Тотенхем сакал да го задржи како замена за стартните стопери, Вушковиќ побарал да оди на позајмица бидејќи сакал редовно да игра.[31]

На 29 август 2025 година, Вушковиќ се преселил на позајмица во германскиот клуб од Бундеслигата, Хамбургер, приклучувајќи му се на својот брат Марио.[32] Дебитирал со клубот во Бундеслигата на 13 септември, во поразот со 5-0 на гостувањето кај Бајерн Минхен. Во својот втор натпревар за клубот, Вушковиќ го постигнал својот прв погодок во победата со 2-1 над Хајденхајм.[33] На 7 декември, го постигнал својот втор гол за сезоната против Вердер Бремен во победата со 3–2 во Норддерби.[34] Сезоната ја завршил со 30 настапи и 6 гола и бил избран во Тимот на сезоната во Бундеслигата.[35]

Репрезентативна кариера

[уреди | уреди извор]

Вушковиќ играл за неколку младински репрезентации на Хрватска: под 15, под 16, под 17, под 19 и под под 21 година.

На 9 јуни 2025 година, го имал своето деби за сениорската репрезентација во натпревар од квалификациите за Светското првенство 2026 против Чешка, кој завршил со победа на Хрватска од 5–1, заменувајќи го Дује Ќалета-Цар во 88-мата минута.[36] На 26 март 2026 година, тој го постигнал својот прв гол за хрватската репрезентација, во победата со 2-1 над Колумбија во пријателски натпревар.[37][38]

Во јуни 2026, тој се нашол на списокот од 26 играчи повикани од селекторот Златко Далиќ за Светското првенство 2026 во САД, Канада и Мексико.

Хронологија на репрезентативните настапи

[уреди | уреди извор]
Хронологија на настапи и постигнати голови за националната селекција ― Хрватска
Дата Град Домашни Резултат Гости Натпреварување Голови Инфо Детали
9-6-2025ОсиекХрватска Хрватска5 – 1Чешка ЧешкаКвал. за СП 2026-влегол во игра 87'
14-11-2025РиекаХрватска Хрватска3 – 1Фарски Острови Фарски ОстровиКвал. за СП 2026-
26-3-2026ОрландоКолумбија Колумбија1 – 2Хрватска ХрватскаПријателска1
31-3-2026ОрландоБразил Бразил3 – 1Хрватска ХрватскаПријателска-добил жолт картон во 82-рата минута 82' заменет 82'
2-6-2026РиекаХрватска Хрватска0 – 2Белгија БелгијаПријателска-
Вкупно Настапи 5 Голови 1

Титули

[уреди | уреди извор]

Клупски

[уреди | уреди извор]
Хајдук Сплит
2022-2023

Наводи

[уреди | уреди извор]
  1. ↑ Лука Вушковиќ на WorldFootball.net
  2. ↑ „Luka Vušković“ (Croatian). HNK Hajduk Split. Посетено на 2 March 2023.CS1-одржување: непрепознаен јазик (link)
  3. 1 2 3 Gabelić, Tomislav; Trifunović, Boris (25 September 2022). „Dinastija Vušković: Pape, dida i pradida bili su stoperi Hajduka“ [The Vušković dynasty: Pope, grandfather and great-grandfather were Hajduk stoppers]. 24sata.hr (Croatian). Посетено на 10 November 2022.CS1-одржување: непрепознаен јазик (link)
  4. ↑ Alfirević, Slaven (11 October 2022). „Luka Vušković puni 16 godina dan prije derbija s Dinamom. Zaigra li, postat će najmlađi debitant u povijesti Hajduka i HNL-a“ [Luka Vušković turns 16 the day before the derby with Dinamo. If he plays, he will become the youngest debutant in the history of Hajduk and HNL]. slobodnadalmacija.hr (Croatian). Посетено на 10 November 2022.CS1-одржување: непрепознаен јазик (link)
  5. ↑ „Baby Vuskovic al Psg per 10 milioni“ (италијански). Corriere dello Sport. 27 novembre 2022. Посетено на 29 јули 2024. Проверете ги датумските вредности во: |date= (help)
  6. ↑ „Luka Vušković: The Teenage Defender Headed for Tottenham“ (англиски). 20 јануари 2024. Посетено на 29 јули 2024.
  7. ↑ „Next Generation 2024: 60 of the best young talents in world football“ (англиски). 15 октомври 2024. Посетено на 17 октомври 2024.
  8. ↑ Verma, Keshava (22 March 2023). „Who is Luka Vuskovic – The next big thing in Croatian Football?“. Khel Now. New Delhi. Посетено на 23 March 2023.
  9. ↑ Gabelić, Tomislav; Galić, Mato (6 October 2022). „Ruši sve rekorde: 'Luka će biti najbolji Vušković u Hajduku'“ [Breaking all records: 'Luka will be the best Vušković in Hajduk']. 24sata.hr (Croatian). Посетено на 10 November 2022.CS1-одржување: непрепознаен јазик (link)
  10. ↑ „Hajduk slavio i dobio rekordera: Luka Vušković postao najmlađi Hrvat u juniorskoj Ligi prvaka“ [Hajduk celebrated and got a record holder: Luka Vušković became the youngest Croat in the Junior Champions League]. abcportal.info (Croatian). 13 September 2022. Архивирано од изворникот на 2022-11-10. Посетено на 10 November 2022.CS1-одржување: непрепознаен јазик (link)
  11. ↑ Milani, Babak (26 September 2022). „Jetzt startet der Vuskovic-Bruder durch“ [Now the Vuskovic brother is taking off]. bild.de (German). Посетено на 10 November 2022.CS1-одржување: непрепознаен јазик (link)
  12. ↑ Gabelić, Tomislav; Trifunović, Boris (25 September 2022). „Vječni trenutak dragulja 'bilih': Za Hajduk zaigrao 15-godišnjak“ [The eternal moment of the jewel of 'the former': A 15-year-old played for Hajduk]. 24sata.hr (Croatian). Посетено на 10 November 2022.CS1-одржување: непрепознаен јазик (link)
  13. ↑ „Prijateljska Utakmica: Hajduk - Schalke 04 4:3“ [Friendly Match: Hajduk - Schalke 04 4:3]. hajduk.hr (Croatian). 16 December 2022. Посетено на 24 December 2022.CS1-одржување: непрепознаен јазик (link)
  14. ↑ „Eto nam i Luke! Vušković sa 16 godina i 2 dana ispisuje povijest Hajduka i hrvatskog nogometa“. 24sata (хрватски). 26 February 2023. Посетено на 26 February 2023.
  15. 1 2 3 Šojat, Gordan (26 February 2023). „MLADI LUKA VUŠKOVIĆ ZA POVIJEST! Veliki talent Hajduka krenuo od prve minute u derbiju“. Dnevno.hr (хрватски). Посетено на 26 February 2023.
  16. ↑ „Dinamo ponizio Hajduk: Poigravao se sa Splićanima. Bez problema pobijedio 4:0 - Teleskop“. Teleskop (хрватски). 26 February 2023. Посетено на 26 February 2023.
  17. ↑ Двајцата играчи дебитирале во лигата на возраст од 16 години и 2 дена
  18. ↑ „Osijek: Osijek - Hajduk 1:2“. hajduk.hr (хрватски). Посетено на 2023-03-01.
  19. ↑ „Luka Vušković: Lijep je osjećaj zabiti gol u ovakvoj utakmici, posvećujem ga bratu“. hajduk.hr (хрватски). Посетено на 2023-03-01.
  20. ↑ „Luka Vušković wypożyczony do Radomiaka!“ (полски). Radomiak Radom. 31 January 2024. Архивирано од изворникот на 2024-10-07. Посетено на 31 January 2024.
  21. ↑ „PKO Ekstraklasa: Cracovia 6-0 Radomiak“. www.90minut.pl. Посетено на 2024-02-10.
  22. ↑ „Dziękujemy za grę dla Radomiaka!“ (полски). Radomiak Radom. 3 July 2024. Архивирано од изворникот на 2024-09-09. Посетено на 3 July 2024.
  23. ↑ „Welkom Luka“. kvcwesterlo.be (холандски). KVC Westerlo. 9 July 2024. Посетено на 9 July 2024.[мртва врска]
  24. ↑ „KV Mechelen 2-4 Westerlo (Aug 3, 2024) Final Score“. ESPN. 3 август 2024. Посетено на 11 јуни 2026.
  25. ↑ Sunderland, Tom (25 February 2025). „'I'm a defender joining Tottenham - I have more league goals than Bukayo Saka this season'“. Daily Express. Посетено на 16 August 2025.
  26. ↑ „Vuskovic to join Spurs“. Tottenham Hotspur (англиски). 2023-09-25. Посетено на 2023-09-25.
  27. ↑ „Tottenham close to signing 16-year-old Luka Vuskovic from Hajduk Split“. The Athletic. 11 September 2023.
  28. ↑ „PSG vs Tottenham LIVE: European Champions beat Spurs on penalties to win Super Cup“. BBC Sport. 13 August 2025. Посетено на 14 November 2025.
  29. ↑ „Tottenham Hotspur 3-0 Burnley: Richarlison double helps Spurs to impressive win“. BBC Sport. 16 August 2025. Посетено на 14 November 2025.
  30. ↑ „Manchester City vs Tottenham Hotspur match report“. BBC Sport. 23 August 2025. Посетено на 14 November 2025.
  31. ↑ Soriano, Joe (24 October 2025). „'Wanted to keep me' - Tottenham have to love that star man fought to leave“. Yahoo! Sports. Посетено на 14 November 2025.
  32. ↑ „HSV sign Luka Vuskovic on loan“. Hamburger SV. 29 August 2025. Посетено на 4 September 2025.
  33. ↑ „Hamburger SV vs Heidenheim: Bundesliga stats & head-to-head“. BBC Sport. 20 September 2025. Посетено на 7 December 2025.
  34. ↑ „Hamburger SV vs Werder Bremen: Bundesliga stats & head-to-head“. BBC Sport. 7 December 2025. Посетено на 7 December 2025.
  35. ↑ „Check out the EA SPORTS FC 26 Bundesliga Team of the Season!“. Bundesliga. 29 April 2026. Посетено на 6 May 2026.
  36. ↑ „Luka Vušković becomes third-youngest debutant in Croatia's national team history“. Nogomania. 10 June 2025.
  37. ↑ „Razigrana Hrvatska u Orlandu nadigrala Kolumbiju“ (хрватски). Посетено на 2026-03-27.
  38. ↑ „Tor-Premiere für Luka Vuskovic im Dress der „Kockasti"“ (англиски). Посетено на 2026-03-27.

Надворешни врски

[уреди | уреди извор]
Преземено од „https://mk.wikipedia.org/w/index.php?title=Лука_Вушковиќ&oldid=5585060“