Лудијас (Солунско)

Од Википедија — слободната енциклопедија
Лудијас
Λουδίας
Лудијас is located in Грција
Лудијас
Лудијас
Местоположба во областа
Лудијас is located in Илиџиево (општина)
Лудијас
Местоположба на Лудијас во Солунскиот округ и областа Централна Македонија
Координати: 40°40.42′N 22°32.33′E / 40.67367° СГШ; 22.53883° ИГД / 40.67367; 22.53883Координати: 40°40.42′N 22°32.33′E / 40.67367° СГШ; 22.53883° ИГД / 40.67367; 22.53883
ЗемјаГрција
ОбластЦентрална Македонија
ОкругСолунски
ОпштинаИлиџиево
Општ. единицаИлиџиево
Надм. вис.&1000000000000001000000010 м
Население (2011)[1]
 • Вкупно789
Часовен појасEET (UTC+2)
 • Лете (ЛСВ)EEST (UTC+3)
Пошт. бр.570 07
Повик. бр.239

Лудијас (грчки: Λουδίας, до 1951 г. Νέα Ζωή, Неја Зои) — село во Солунско, Егејска Македонија, денес во општината Илиџиево на Солунскиот округ во областа Централна Македонија, Грција. Населението брои 789 жители (2011).[2][3] Ова село не традиционално, туку претставува новосоздадена населба на грчки доселеници.[4]

Географија[уреди | уреди извор]

Селото се наоѓа јужно од Зорбатово, 8 км западно од Илиџиево и 43 км западно од Солун. Лежи во областа Вардарија во Солунското Поле, на северниот брег на река Колудеј.

Историја[уреди | уреди извор]

Селото е основано како место за грчки доселеници од Турција во 1939 г. на местото на ослободеното плодно земјиште при исцедувањето на Ениџевардарското Езеро. При неговото создавање, наречено е Неја Зои, што во превод значи „нов живот“. Населението било од Понд, Кавказ, Тракија и Мала Азија, кое овде се префрлило од првично создадените Елевтерохори и Метони, како и од колонизираните традиционални села Јалиџик и Бугариево.[2][3] Во 1940 г. Лудијас имал 804 жители, сите грчки дојденици.[4]

Во 1951 г. населението се зголемило на 991 жител, а селото е преименувано во Лудијас, што е грчкото име на месната река Колудеј. На пописот од 1961 г. бројот на жители достигнал 1.222, за да опадне на 929 во 1971, 907 во 1981 г.[4] Во 1991 г. е забележан пораст на 948 лица, кои во 2001 г. се зголемиле на 973, но во 2011 г. опаднало на 795 жители.

Население[уреди | уреди извор]

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 804 991 1.222 929 907 948 973 789
Извор за 1940-1991 г.: Т. Симовски, Населените места во Егејска Македонија

Стопанство[уреди | уреди извор]

Селото важи за мошне богато бидејќи има плодни површини кои целосно се наводнуваат. Се произведува овошје, памук, жито, бостан и други земојделски култури. Многумина работат во блиските претпријатија „Захарис“, „ЕЛВИЗ“ и „Нестле“.[2][3]

Поврзано[уреди | уреди извор]

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција.
  2. 2,0 2,1 2,2 „Λουδίας“. Δήμος Χαλκηδόνας. Посетено на 8 јули 2019.
  3. 3,0 3,1 3,2 „Λουδίας“. Greek Travel Pages. Посетено на 8 јули 2019.
  4. 4,0 4,1 4,2 Симовски, Тодор (1998). Населените места во Егејска Македонија : географски, етнички и стопански карактеристики. II дел. Скопје: Институт за национална историја. стр. 330–331.