Лос Алтос (Средна Америка)
Дражава на Лос Алтос Estado de Los Altos (Шпански)
| |
|---|---|
| 1838-1840 1848-1849 | |
 Знаме
 Грб
| |
 | |
| Статус | Република |
| Главен град | Кецалтенанго |
| Говорени јазици | Шпански |
| Историја | |
• Независност од Гватемала | 2 февруари 1838 |
• Обновено признание на Средно Американскиот конгрес | 5 Јуни 1838 |
• Присилна реинкорпорација во Гватемала | Јануари 1840 |
• Обновена декларација за независност | 26 Август 1848 |
• Реинкорпорација во Гватемала | 8 мај 1849 |
Државата Лос Алтос (Шпански: Estado de Los Altos), попозната како Лос Алтос, била држава на Федерална Република на Средна Америка од 1838 до 1840 година и краткотрајна независна република од 1848 до 1849 година. Нејзин главен град бил Кецалтенанго. Лос Алтос окупирала осум департмани на запад од денешна Гватемала, како и регионот Соконуско во мексиканската држава Чијапас.
Државата потекнува од политичките разлики и тензии меѓу Гватемала од една страна и Кецалтенанго и другите делови на западна Средна Америка од друга страна. Дебатата за одвојувањето од Гватемала датира од кратко време по независноста на Средна Америка од Шпанија во 1821 година. Таква посебна држава била предвидена од Федералното уставно собрание од ноември 1824 година, но имало значително противење на одвојувањето во Гватемала.
Независноста на Лос Алтос од Гватемала била официјално прогласена на 2 февруари 1838 година. Сојузната влада го признала Лос Алтос како шеста држава на унијата и ги сместила претставниците на Лос Алтос во Федералниот конгрес на 5 јуни истата година. Знамето на Лос Алтос била модификација на знамето на Федерална Република на Средна Америка, со централен печат кој покажува вулкан во позадина кецал (локална птица што ја симболизира слободата) напред. Ова било првото средно американско знаме кое го користело кецалот како симбол; од 1871 година, се наоѓа на денешното знаме на Гватемала.
По граѓанската војна која потоа ги опустошила Обединетите провинции и довела до нејзин распад, Лос Алтос ја прогласил својата независност како Независна Република Лос Алтос на 27 јануари 1840, но потоа е во голема мера инвазија на 2 април истата година од вооружената орда на Рафаел Карера, кој ги заробил повеќето официјални претставници на Лос Алтос и наредил веднаш да бидат погубени.
Рафаел Карера, кој станал де факто гувернер на областа, тогаш прогласил присилна повторна анексија на Лос Алтос во Гватемала. Искористувајќи ја ситуацијата на хаос и неутврдената политичка ситуација за остатокот од земјата, регионот Соконуско, кој бил дел од поранешната федерална република Средна Америка, за возврат бил анектиран од федерално Мексико и интегриран како посебен статусен регион на исток од сегашната држава Чијапас.
Во 1844, 1848 и 1849 година, избувнале неколку бунтови против диктатурата на Рафаел Карера во обид повторно да се стекне независноста на Лос Алтос, но тие не успеале; само еден од нив довел до кратко прогласување на независноста на Лос Алтос, со формирање на привремена влада во 26 август 1848 година, предводена од страна на генерал Агустин Гусман кој го окупирал Каселтенанго. Но, на 8 мај 1849 Гватемала ја анектирале Лос Алтос за последен пат.