Леополд IV (војвода на Австрија)

Леополд IV
Роден(а)	ок. 1371 Виена
Починал(а)	3 јули 1411 Виена
Благородно семејство	Хабсбуршка династија
Сопружник(ци)	Катарина Бургундска
Татко	Леополд III
Мајка	Виридис Висконти

Леополд IV (германски: Leopold IV der Dicke, роден околу 1371 во Виена - починал на 3 јули 1411 во Виена) — владетел од Хабсбуршката династија како војвода на Австрија (1386—1411), војвода од Штаерска, војвода од Корушка и војвода од Крањска (1386—1396), гроф од Тирол (1386—1406).

Рани години

Леополд IV бил син на војводата Леополд III и Виридис Висконти. Во 1386 година неговиот татко бил убиен во Битката кај Семпах. Нивниот чичко Албрехт III ги управувал териториите на нивниот татко бидејќи Леополд, заедно со неговите браќа Вилхелм, Ернест и Фридрих биле малолетни.

Управување

По конфликтот и по склучувањето на договор во Холенбург со неговиот братучед Албрехт IV, Леополд од 1396 година станал војвода на Горна Австрија (Тирол и Предна Австрија). По смртта на неговиот брат Вилхелм тој од 1406 до 1411 година бил регент во Виена на неговиот малолетен внук Албрехт V во Виена, идниот римско-германски крал.

Семејство

Леополд во 1393 година се оженил за Катарина Бургундска, ќерка на војводата Филип Храбриот од Бургундија и неговата сопруга грофицата Маргарета. Тие немале деца.

Негов наследник во Тирол станал брат му Фридрих. Неговата вдовица во 1414 година се оженила за Максимилијан Смасман фон Раполтштајн.

Наводи

Леополд IV (војвода на Австрија) Хабсбуршка династија Роден(а): 1371 Починал(а): 3 јуни 1411
Претходник Леополд III	Војвода од Штаерска Војвода од Корушка Војвода од Крањска 1386–1411 со Вилхелм, ]] until 1406	Наследник Фридрих