Лебница (река)

Лебница
Поглед на Лебница во близина на селото Никудин
Местоположба
Држава	Македонија, Бугарија
Физички особености
Извор
• место	Огражден
• координати	41°31′44.04″N 22°52′59.16″E
• надм. вис.	1.480 м
Устие
• место	Струма
• координати	41°31′54.84″N 23°14′47.04″E
• надм. вис.	104 м
Особености на сливот
Течение	Струма→ Егејско Море

Лебница или Лебничка Река — река во источна Македонија, десна притока на Струма.

Извор, течение и устие

Извориштето се наоѓа под врвот Огражденец (1.744 метри), највисок на планината Огражден. Тече меѓу Малешевските Планини и Огражден со што претставува нивна природна меѓа. Реката се влева во Струма кај селото Лебница.

Особености

Вкупниот тек од изворот до утоката изнесува 50 км, од кои 8 на територијата на Р Македонија во нејзиниот источен дел, останатите 42 км во југозападниот дел на Пиринска Македонија, денес во Бугарија. Сливната површина изнесува 318 км². Има среден проток од 2,64 м³/с, со горна граница од околу 101 м³/с (заб. 1953 г.). Поголеми притоки се: од десната страна — Тролски Дол, а од левата страна — Црвилска и Добрилачка Река. Во нејзините води живее пастрмка.

Значење

Се користи за наводнување. На левиот брег се наоѓа резерватот „Соколата“. Поголем дел од долината на реката е зафатен од заштитената мрежа „Натура 2000“.