Лангош
 Лангош | |
| Регион | Унгарија |
|---|---|
Лангош е типична унгарска храна, пржено лебче, но порано се правело од последните парчиња тесто за леб и се печело на предната страна на рерна од тули или глина, за да се служи топло како појадок на денот на печењето леб.[1]
Етимологија и историја
[уреди | уреди извор]
Името доаѓа од унгарскиот збор за пламен.[2]
До средината на 20 век, лебот се печел еднаш неделно поради трошоците за загревање на големата рерна и долгиот процес на месење до 80 килограми тесто. Бидејќи лебот, типичен за Унгарија, бил голем, традиционално се печеле помали кифлички за вечерта и за следниот ден. Името лангош (што значи „во пламен“) доаѓа од печењето на овие рамни лебови наутро додека рерната сè уште се загрева.[3] Лангош се користеле и како додаток за ручек.
Варијации
[уреди | уреди извор]
Тестото за лангош се прави од вода или млеко, брашно, квасец и сол.[1] Состојките се обработуваат или рачно или со машина за месење. Тестото е исто како тестото за пица, но не се пече, туку се пржи на масло. Додавањето павлака, јогурт или пире од компири во тестото е по желба, и во тој случај се нарекува компир лангош.[4] Се јаде свежо и топло, прелиено со кисела павлака и рендано сирење, или со шунка или колбаси, или најчесто, без прелив, само намачкан со лук или путер од лук, или се полива со вода со лук. Други состојки и додатоци може да бидат печурки, модар патлиџан, зелка, кефир, омлет и шеќер или џем.
Поврзано
[уреди | уреди извор]Наводи
[уреди | уреди извор]- ↑ 1,0 1,1 „NetCooks - Hungarian Langos Recipe“. Netcooks.com. Посетено на 15 December 2017.
- ↑ „Magyar etimológiai szótár / L / lángos“.
- ↑ „MAGYAR NÉPRAJZI LEXIKON / K / kenyérlepény“.
- ↑ June Meyers Authentic Hungarian Heirloom Recipes Cookbook
