Ново Лагово

Од Википедија — слободната енциклопедија
(Пренасочено од Лагово)
Ново Лагово

Поглед кон Ново Лагово

Ново Лагово во рамките на Македонија
Ново Лагово
Местоположба на Ново Лагово во Македонија
Ново Лагово на карта

Карта

Координати 41°18′39″N 21°30′57″E / 41.31083° СГШ; 21.51583° ИГД / 41.31083; 21.51583Координати: 41°18′39″N 21°30′57″E / 41.31083° СГШ; 21.51583° ИГД / 41.31083; 21.51583
Регион Прилепско Поле
Општина  Прилеп
Население 224 жит.
(поп. 2021)[1]

Пошт. бр. 7515
Повик. бр. +389 48 XXXXXX
Шифра на КО 20074
Надм. вис. 623 м
Ново Лагово на општинската карта

Атарот на Ново Лагово во рамките на општината
Ново Лагово на Ризницата

Ново Лагово — село во Општина Прилеп, во непосредна близина на градот Прилеп.

Географија и местоположба[уреди | уреди извор]

Селото лежи 5 км југоисточно од Прилеп. Покрај магистралниот пат А3 (ПрилепБитола), регионалниот пат Р1101 Прилеп - Битола, и регионалниот пат Р1107 Ново Лагово-Демир Капија. Околни населени места се: Старо Лагово (2,5 км воздушна линија) на југоисток, Волково (4,5 км воздушна линија) на Исток, Беровци (2,25 км воздушна линија) и Галичани (3 км воздушна линија) на југозапад. Во селото има 6 бунари. Ново Лагово е село од збеан тип. Има 3 прави улици во правец североисток - југозапад. Долж улиците куќите се поредени во 3 низи. Селото има сè на сè 27 домаќинства (1954 г.). Обработената земја и пасиштата околу Н. Лагово се наоѓаат на месностите викани: Дујгас, Горно Садово, Долно Садово и Поле. Оддалеченост од поголемите градови во Македонија: Скопје (77км),Битола (35км).Оддалеченост од аеродромите во Македонија: Александар Македонски (72 км) и свети Апостол Павле (66 км). Ново Лагово не излегува на железничка пруга, но и покрај тоа што не излегува на железница има поволна геостратешка позиција. Ново Лагово е поврзано со Прилеп со автобуски сообраќај. Низ селото поминува Волковска река. До реката се наоѓа црквата Света Петка, чии темели се поставени во 2001 година. Света Петка е заштитник на селото.

Историја[уреди | уреди извор]

Ново Лагово е колонистичко село, основано во атарот на Старо Лагово во 1912 г. Основачи биле православни Срби доселени 1922 г. од Далмација. Тие години доселениците добиле утринска земја која ја разделиле и ја претвориле во ниви. Потоа колонизаторите купиле ниви и во атарот на соседното село Беровци. Ново Лагово добро напредувало. Населението ја искористило поволната сообраќајна положба и близината на Прилеп како пазари. Таму продавале земјоделски производи и млеко. До почетокот на Втората светска војна селото нараснало на 21 куќа, и било угледно село. напредувало најбрзо од сите околни села. За време на Втората светска војна Србите од Ново Лагово страдале од Бугарите. Непријателската полиција често го опкружувала селото, ги претресувала куќите и ги тепала селаните. Населението не смеело никаде да излези надвор од селото па дури ни во Прилеп. Годината 1946, Србите од Ново Лагово освен еден род со две домаќинства се иселиле во Војводина.

Стопанство[уреди | уреди извор]

Источно од селото се наоѓа мини индустриска зона, изградена во 90-тите години на минатиот век.

Население[уреди | уреди извор]

Население во минатото
ГодинаНас.±%
1948185—    
1953164−11.4%
1961251+53.0%
1971238−5.2%
1981212−10.9%
ГодинаНас.±%
1991231+9.0%
1994189−18.2%
2002213+12.7%
2021224+5.2%

Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци.[2]

Во куќите на иселените Срби, и на нивната земја, власта на НР Македонија во 1946/47 населила 25 домаќинства од областа на сливот на реката Црн Дрим, најмногу од струшка Малесија. Бројот на домаќинства изнесувал:

  • 1948 г. — 29
  • 1961 г. — 40
  • 1971 г. — 53
  • 2010 г. — 60

Според последниот попис од 2021 година, во селото живееле 224 жители, од кои 207 Македонци, 1 Албанец, 4 Срби, 4 останати и 8 лица без податоци.[3]

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население 185 164 251 238 212 231 189 213 224
Извор за 1900 г.: Македонија. Етнографија и статистика.[4]; за 1905 г.: La Macédoine et sa Population Chrétienne.[5]; за 1948-2002 г.: Државен завод за статистика на РМ.[6]; за 2021 г.: Државен завод за статистика на РМ.[7]

Родови[уреди | уреди извор]

Според истражувањата од 1954 година, родови во селото се:

  • Доселеници: Вујасиновиќи (2 куќи) доселени се во 1922 година од селото Ивошевца во бенковачкиот срез (Бенковац) во Хрватска. Тие се Срби по потекло; македонски родови доселени во 1947 година во селото се: Кузманоски (1 к.), Маркоски (1 к.) и Нелоски (1 к.) доселени се од селото Ржаново во струшка Малесија; Трајчески (3 к.), Негриоски (2 к.), Стојкоски (2 к.), Петрески (2 к.), Јованоски (2 к.), Димоски (2 к.), Маркоски (2 к.), Тасески (2 к.) и Митрески (1 к.) доселени се од селото Локов во струшка Малесија; Барутоски (1 к.) доселени се од селото Селци во струшка Малесија.

Населението му припаѓа на 3 етнички заедници, но преку 93% се Македонци, а останатите се: Срби и Албанци (сите се жени, омажени за селаните, донесени од Албанија).

Општествени установи[уреди | уреди извор]

Црквата „Св. Петка“ во Ново Лагово

Во селото постои училиште во кое се изучува во комбинирани паралелелки до четврто одделение, учениците образованието го продолжуваат во Старо Лагово каде што завршуваат основно образование во ПООУ Круме Волнароски чие седиште се наоѓа во селото Тополчани. Ново Лагово се наоѓа во Пpеспанско-Пелагониската епархија на Македонска православна црква - Охридска архиепископија. Црквата е започната со градба во 2001 г.

Самоуправа и политика[уреди | уреди извор]

ОСМ Мапа на Ново Лагово

Ново Лагово се наоѓа во општина Прилеп (Пелагониски Регион). Ново Лагово практично е приградска населба на градот Прилеп затоа што се наоѓа на 5 км од центарот на Прилеп, а само на 1 км од излезот на Прилеп. Регистарски таблички кои се користат во Ново Лагово се: PP-999-ZZ / PP-9999-ZZ. Поштенски код за селото е 7515 (MK-7515). Повикувачкиот број за Ново Лагово е ист со Прилеп 048 (од странство се бира со +389 48 XXXXХХ,притоа код за Македонија е 389, за Прилеп 048). Со селото управува месната заедница Ново Лагово.

Избирачко место[уреди | уреди извор]

Во селото постои избирачкото место бр. 1435 според Државната изборна комисија, сместени во просториите на основното училиште.[8]

На претседателските избори во 2019 година, на ова избирачко место биле запишани вкупно 164 гласачи.[9]

Сообраќај[уреди | уреди извор]

Селото е важна точка во Општина Прилеп бидејќи низ него поминуваат еден магистрален пат и 3 регионални патишта.

Култура и спорт[уреди | уреди извор]

Спортскиот тим на Ново Лагово се викал ФК Караорман.

ФК Караорман - Ново Лагово. Непозната година.

Иселеништво[уреди | уреди извор]

Иселеничките семејства биле: Вујасиновиќ (1куќа), Каролија (5 куќи), Масникоса (2 куќи), Милановиќ (2 куќи), Бунчиќ (2 куќи), Угричиќ (1куќа), Кутлача (1 куќа), Гриќ (1 куќа), и Рашиќ (1 куќа), по потекло од село Ивошевци во Бенковац, Задарска Жупанија, Хрватска. Р'нчиќ (1к.), Деспиниќ (1к .) и Урукало (1к.) кои се по потекло од Врлик кај Книн, Шибеничка Жупанија, Хрватска.

Наводи[уреди | уреди извор]

  1. „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. „200K Volkstumskarte Jugoslawien“.
  3. „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
  4. К’нчов, Васил. „Македонија. Етнографија и статистика“. Софија, 1900
  5. Brancoff, D.M. „La Macédoine et sa Population Chrétienne“. Paris, 1905.
  6. „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  7. „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
  8. „Описи на ИМ“. Архивирано од изворникот на 2023-08-17. Посетено на 3 ноември 2019.
  9. „Претседателски избори 2019“. Посетено на 3 ноември 2019.

Надворешни врски[уреди | уреди извор]