Кутија цигари
Кутија цигари — правоаголна амбалажа, обично направена од картон, која содржи цигари. Големината, изгледот, содржината и цената на кутијата зависат од законите на земјата во која се продава. На пример, често е вклучено предупредување за влијанието на тутунот на здравјето. Во многу земји, најниската содржина на една кутија е 20 цигари. Малопродажната цена зависи од земјата и марката, а особено е под влијание на даноците на тутун.
Опис
[уреди | уреди извор]Кутијата цигари е обично правоаголна, направена од картон со внатрешна обвивка од алуминиумска фолија. Кутијата е обвиена и со тенка пластична фолија.
Опаковка
[уреди | уреди извор]_zoom.jpg)
Тврдата опаковка се состои од релативно стабилна кутија.[1] Најзината предност е што цигарите што ги содржи не можат да се изгужваат или скршат в џеб или в торба. Тврдото пакување со капак е создадено во 1955 година од Филип Морис. Тврдите кутии може да се затворат повторно по отворањето.
Мекото пакување е направено од хартија. Меките пакувања нудат помала заштита на содржината, но се поевтини за производство од тврдите пакувања.[1] .
Здравствено предупредување
[уреди | уреди извор]
Во многу земји, пакувањата цигари имаат здравствено предупредување за ризиците од пушење . Големината, содржината и јазикот зависат од земјата во која се продаваат.[2][3][4][5] Кутиите може да имаат пишани пораки или фотографии што вознемируваат. Овие предупредувања обично се законски пропишани како дел од политиката за јавно здравје.
Спротивно на тоа, во Европската Унија, директивата 2014/40/EU ја укинува директивата 2001/37/CE и забранува прикажување на нивоата на никотин, катран и јаглерод моноксид на пакувањето на тутунските производи.[6]
Неутрално пакување
[уреди | уреди извор]Со цел да се истакнат здравствените предупредувања и да се намали привлечноста на пакувањата, од 2012 година, неколку земји вовеле неутрално пакување цигари, на кои нема маркетиншки елементи.
Други одлики
[уреди | уреди извор]Било предложено некои пакувања цигари содржат и празен простор за отпушоци од цигари. Ова би можело да го намали бројот на отпушоци од цигари фрлени на улица, кои ја загадуваат животната средина, бидејќи бавно се распаѓаат.
Содржина
[уреди | уреди извор]
Во повеќето земји, минималната големина на кутијата цигари ја одредува владата.[7] Овој вид регулатива би имал влијание врз честотата и видот на цигари што ги консумира редовно пушачот,[8] како и врз возраста на која дел од населението почнува да пуши,[7][9] што има непосредна последица врз продажбата на цигари.[10]
Во четиринаесет држави од Европската Унија, минималната содржина на кутијата е 20 цигари.[11] Во Обединетото Кралство, цигарите се продаваат во кутии од 20 или 10 цигари.[11][7] Автоматите нудат и пакувања од 16 или 18 цигари,[1] иако тие се со иста големина како пакувањата што содржат 20.
Во Австралија, бројот на цигари во кутија обично е 25, но има и пакувања од 20 (минимум), 30, 40 и 50.[1] Во Канада, повеќето пакувања содржат 25 цигари, но вообичаени се и пакувања од 20. Во некои европски земји, зголемувањето на даноците на тутунот значи дека количината на цигари по пакување може да се намали, така што цената да остане иста.[12]
Во Малезија е забранета продажбата на кутии што содржат помалку од 20 цигари.
Во Соединетите Американски Држави, минималната количина цигари по кутија е исто така 20, но некои брендови цигари ги продаваат своите производи во пакувања од 25 цигари.[13] Неколку години пред да се спроведе оваа регулатива, биле дозволени за продажба полупакувања од 10 или дури 14 цигари. [11] Некои брендови поретко се продавале во пакувања од 5 до 100 цигари.[13]
Една штека цигари обично содржи 10 кутии од по 20 цигари или 8 кутии од по 25, што вкупно значи 200 цигари. Некои видови кутии можат да содржат 20 пакувања од по 20 или 400 цигари.[1]
Продажна цена
[уреди | уреди извор]Продажната цена на кутија цигари во голема мера зависи од земјата на продажба. Во 2014 година, брендот Марлборо бил најевтин во Пакистан (0,96 американски долари), додека најскап бил во Австралија (16,11 американски долари).[14]
Во Соединетите Американски Држави, цената на кутија завис од држава до држава, при што најевтина во 2014 година била Кентаки (во просек 4,96 долари), а најскапа е државата Њујорк (во просек 14,50 долари).[15][16]
Збирки
[уреди | уреди извор]Некои кутии цигари се од особен интерес за колекционерите. Посебно се ценети оние што се истакнуваат со својата старост или необична декорација,[17] или биле произведувани во ограничен број и затоа станале ретки. Најголемата збирка во светот, во сопственост на Кинезот Ванг Гуохуа, има 30 000 кутии.[18]
Наводи
[уреди | уреди извор]- 1 2 3 4 5 (англиски) Cigarette packaging explained Архивирано на 20 декември 2016 г..
- ↑ (англиски) Kristy Kirkup Canada ranks fourth for cigarette pack warnings: Cancer Society 19, LFP Press, 14 novembre 2012
- ↑ (англиски) Cigarette package health warnings Архивирано на 13 април 2017 г., Société canadienne du cancer, octobre 2012
- ↑ (англиски) Health warning labels on cigarette packages, Organisation mondiale de la santé
- ↑ (англиски) Health Warning Labels
- ↑ „Directive 2014/40/UE du Parlement et du Conseil“ (PDF). 2014-4-3. Посетено на 2017-6-22. Проверете ги датумските вредности во:
|accessdate=, |date=(help), Article 13. - 1 2 3 (англиски) Lisa Farrell, Tim R. L. Fry et Mark N. Harris, A pack a day for twenty years: Smoking and cigarette pack sizes, 13 juillet 2004
- ↑ (англиски) Jody Sindelar, Can smaller pack size help smokers quit?, CNN, 19 novembre 2011
- ↑ (англиски) Maansi Bansal-Travers, David Hammond, Philip Smith et K. Michael Cummings, The Impact of Cigarette Pack Design, Descriptors, and Warning Labels on Risk Perception in the U. K. Архивирано на 3 септември 2014 г.
- ↑ (англиски) The impact of cigarette pack shape, size and opening : evidence from tobacco company documents Архивирано на 3 септември 2014 г.
- 1 2 3 (англиски) Who, what, why: What's behind the idea of banning 10-packs of cigarettes?, BBC News Magazine, 8 octobre 2013
- ↑ (англиски) Richard Hartley-Parkinson, Fewer cigarettes in packs... but the price stays the same for smokers, Daily Mail, 28 février 2011
- 1 2 (англиски) Lynn T. Kozlowski, Pack size, reported cigarette smoking rates, and public health, American Journal of Public Health, pp. 1337–1338, novembre 1986
- ↑ (англиски) Lisa Mahapatra, The Price Of Cigarettes: How Much Does A Pack Of Marlboros Cost In Every Country?, International Business Times, 7 février 2014
- ↑ (англиски) Sarah Jampel, What A Pack Of Cigarettes Costs Now, State By State, The Awl, 12 juillet 2013
- ↑ (англиски) Steven Perlberg, Here's How Much A Pack Of Cigarettes Costs Around The World Архивирано на 21 јуни 2023 г., Business Insider, 5 février 2014
- ↑ (англиски) Jeanette Der Bedrosian, Cigarette pack collection shows variety between countries, Johns Hopkins Magazine, 11 décembre 2013
- ↑ (англиски) Chinese Collecter Gathers 30,000 Cigarette Packs, odditycentral.com, 8 septembre 2009
Надворешни врски
[уреди | уреди извор]
Кутија цигари на Ризницата ?- Енциклопедија на цигари
