Кузма Ковачиќ
Кузма Ковачиќ (роден на 6 јуни 1952)[1] — хрватски академски вајар и професор.
Животопис[уреди | уреди извор]
Ковачиќ е роден на островот Хвар, каде посетувал гимназија. Во 1976 година дипломирал на Ликовната академија во Загреб. Тој е професор на Академијата за уметности на Универзитетот во Сплит. Од 2020 година, тој е полноправен член на Хрватската академија на науките и уметностите.[1]
Творештво[уреди | уреди извор]
Тој е автор на олтарот во катедралата на Хвар, статуата на папата Јован Павле II во Селца на островот Брач, споменици на Фрањо Туѓман во Шкабрња и Загреб, споменик на Антун Михановиќ во Гата близина Омиш, статуа на Дива Грабовичева близу Позор-Рама, олтарски релјеф во црквата Света Мајка на слободата во Загреб и многу други. Ковачиќ ги дизајнирал монетите од хрватска куна (1, 2, 5, 10, 20, 50 липи и 1, 2, 5 и 25 куни).[2]
Изложувал свои дела на меѓународно ниво, како и во Галеријата за ликовни уметности во Сплит и Модерната галерија во Загреб.
Награди[уреди | уреди извор]
Ковачиќ бил награден со три национални одлики од претседателот Фрањо Туѓман. Ковачиќ е член на Браќа на хрватскиот змеј и претседател на филијалата на Хрватската академија на науките и уметностите во Хвар.
Наводи[уреди | уреди извор]
- ↑ 1,0 1,1 http://info.hazu.hr/hr/clanovi_akademije/osobne_stranice/kkovacic/kkovacic_biografija/
- ↑ Borovac, Marina. 20 years of kuna – who are the authors of currency we use today Večernji list. Published 29 May 2014.
Надворешни врски[уреди | уреди извор]
- Биографија на хрватски, италијански и француски јазик.