Кубанска Народна Република

Од Википедија — слободната енциклопедија
Прејди на прегледникот Прејди на пребарувањето
Кубанска Народна Република
Кубанская Народная Республика
Кубанська Народна Республiка

 

1918–1920
Знаме Грб
Карта на Европа во 1919 година на која е прикажана Кубанската Народна Република (зелена) во Русија
Главен град Краснодар
Јазици Руски,
Украински
Вероисповед Руска православна црква
Уредување Република
Претседавач
 -  1917–1918, 1919 Лука Бич
 -  1918–1919 Николај Рабовол
 -  1919–1920 Ф. Сушков
Атаман
 -  1917–1919 Александар Филимонов
 -  1920 Николај Букретов
Законодавство Кубанска законодавна Рада
Историски период Прва светска војна / Руска граѓанска војна
 -  Основана март 1917
 -  Прогласена република 28 јануари 1918
 -  Независност 16 февруари 1918
 -  Распадната 17 март 1920
Население
 -  1918 3.500.000 
Валута Руска рубља

Кубанска Народна Република (КНР) или Кубанска Национална Република (КНР), (руски: Кубанская Народная Республика; украински: Кубанська Народна Республiка) — поранешна анти-болшевичка држава за време на Руската граѓанска војна, која ја опфаќа територијата на денешниот Кубански регион во Русија.

Републиката била прогласена од Кубанската Рада на 28 јануари 1918 година и ја прогласила својата независност на 16 февруари. Ја опфаќала целата територија на поранешната Кубанска област на Руското Царство. За време на својата кратка независност, таа неуспешно се обидела да се обедини со Украинската Народна Република и Демократска Република Грузија. Кубанската Народна Република била де факто окупирана од силите на Антон Деникин на 6 ноември 1919 година, пред да биде целосно окупирана и анектирана од Советите во пролетта 1920 година.