Кронцелево

Од Википедија — слободната енциклопедија
Прејди на прегледникот Прејди на пребарувањето
Кронцелево
Κερασέαι
Кронцелево is located in Грција
Кронцелево
Кронцелево
Местоположба во областа
Кронцелево is located in Воден (општина)
Кронцелево
Местоположба на Кронцелево во општината Воден и областа Централна Македонија
Координати: 40°52.63′N 21°57.71′E / 40.87717° СГШ; 21.96183° ИГД / 40.87717; 21.96183Координати: 40°52.63′N 21°57.71′E / 40.87717° СГШ; 21.96183° ИГД / 40.87717; 21.96183
ЗемјаГрција
ОбластЦентрална Македонија
ОкругПостол
ОпштинаВоден
Општ. единицаВоден
Надм. вис.&10000000000000700000000700 м
Население (2011)[1]
 • Вкупно473
Часовен појасEET (UTC+2)
 • Лете (DST)EEST (UTC+3)

Кронцелево или Кронцелово (грчки: Κερασέαι[2], Керасее, до 1926 година Κροντσέλοβον, Кронцеловон[3]) — село во Воденско, Егејска Македонија, денес во општината Воден на Постолскиот округ во Централна Македонија, Грција. Населението брои 473 жители (2011). Сè до 1879 г. населението било исклучиво македонско.[4]

Географија и местоположба[уреди | уреди извор]

Селото е сместено во југоисточните падини на планината Кајмакчалан, на надморска височина од 700 м.[4]

Историја[уреди | уреди извор]

Кронцелево историски било чисто македонско село во Воденската каза. Според „Етнографија на вилаетите Адријанопол, Монастир и Салоника“ во 1873 г. во Грунцелово (Grountzelovo) има 120 куќи со вкупно 545 жители, од кои 375 Македонци и 170 Македонци-муслимани.[5] Во 1866 г. зела замав бугарската пропаганда со отворањето на бугарско училиште.[6]

Во 1879 г. турските власти тука населиле босански муслимани[4] кои се иселиле од Босна при нејзиното припојување кон Австро-Унгарија и селото добило мешан етнички и јазичен состав.

Васил Канчов („Македонија. Етнографија и статистика“) вели дека во 1900 г. селото имало 580 жители, но погрешно го заведува населението како мешано од Македонци-христијани и Македонци-муслимани[7][8]. Истата грешка ја прави и Димитар Мишев („La Macédoine et sa Population Chrétienne“), кој вели дека во 1905 г. во Кронцелово (Krontzelovo) имало 416 Македонци[7][9] За разлика од нив, Боривое Милоевиќ во 1917-18 г. правилно регистрирал 60 македонски и 50 босански муслимански куќи[4] Сето време селото било под врховенството на Бугарската егзархија и работело бугарско училиште.

Во октомври 1910 г. селото настрадало за време на обезоружителната акција на младотурците. На 22 октомври селото го окупирала младотурска војска и во судирите со неа загинале Ристо Крезов, Дине Крезов, Ванe Миндев, Аламан Минов и Ванe Минов.[10]

Со Букурешкиот договор во 1913 г. селото е припоено кон грчката држава, кога имало 311 жители[4]. Во 1920 г. се заведени 488 жители, од кои сосема малку муслимани.[4] Во 1924 г. согласно Лозанскиот договор и преостанатите муслимани се иселени во Турција, а на нивно место се доселени 115 турски Грци[4], со што селото останало мешано, но преовладувале Македонците. Во 1928 г. селото е преименувано во Керасее, кога имало 474 жители.[4]

Во 1940 г. во селото живееле 570 жители, од кои 500 Македонци и само 79 доселени Грци.[4] Доселените Грци го напуштиле Кронцелево за време на Граѓанската војна, но истото го направиле и повеќе македонски семејства, преоѓајќи во Р. Македонија поради големите страдања во селото.

Население[уреди | уреди извор]

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 579 338 422 378 374 451 455 473
Извор за 1940-1991 г.: Т. Симовски, Населените места во Егејска Македонија

Самоуправа и политика[уреди | уреди извор]

Селото припаѓа на општинската единица Воден со седиште во истоимениот град, која припаѓа на поголемата општина Воден, во округот Постол. Воедно, селото е дел од општинскиот оддел Теово, каде покрај Кронцелево спаѓа и селото Теово.

Стопанство[уреди | уреди извор]

Иако е планинско, селото е мошне богато поради големото производство и извоз на цреши, а мошне развиено е и сточарството поради погодниот терен.[4]

Личности[уреди | уреди извор]

Наводи[уреди | уреди извор]

  1. „Попис на населението од 2011 г. Трајно население“. Државен завод за статистика на Грција. 
  2. на грчки се среќава и како Κερασιές, Керасиес
  3. Μετονομασίες των Οικισμών της Ελλάδας. Κροντσέλοβον - Κερασιές
  4. 4,0 4,1 4,2 4,3 4,4 4,5 4,6 4,7 4,8 4,9 Симовски, Тодор (1998). Населените места во Егејска Македонија : географски, етнички и стопански карактеристики. I. Скопје: Институт за национална историја. стр. 51. 
  5. „Македония и Одринско. Статистика на населението от 1873 г.“ Македонски научен институт, София, 1995, стр.156-157.
  6. Илюстрация Илинден, година 9, книга 9 (89), ноември, 1937, стр. 2.
  7. 7,0 7,1 Како што е општопознато, Македонците во бугарските извори се присвојуваат и водат како Бугари, и покрај признанието дека самите отсекогаш се изјаснувале како Македонци.
  8. Кънчов, Васил. „Воденска Каза“. Македония. Етнография и статистика. София: Българско книжовно дружество в София. стр. 150. http://www.promacedonia.org/vk/vk_2_04.htm. 
  9. Brancoff, D.M. "La Macédoine et sa Population Chrétienne". Paris, 1905, pp. 190-191.
  10. Дебърски глас, година 2, брой 28, 7 ноември 1910, стр. 4.