Кримски мост

Кримски
Поглед на мостот.
Координати	45°18′31″N 36°30′22″E
Преминува	Керчки Проток
Место	Крим, Русија
Официјален назив	Црн мост
Особености
Вид	мост на диреци
Вкуп. должина	18,1 km
Ширина	227 м
Местоположба

Кримски мост (руски: Крымский мост, ИПА: [krɨmskʲij most]) — премостување на Керчкиот проток помеѓу Азовското и Црното Море со два паралелни мостови изградени од страна на Руската Федерација за поврзување на Керчкиот полуостров на полуостровот Крим на запад со Таманскиот полуостров во Краснодарски крај на исток на копното во Русија. Комплексот на мостот обезбедува врска на патниот и железничкиот сообраќај (вториот сѐ уште е во изградба) помеѓу Крим и остатокот од Русија. Со должина од 18,1 км (11,2 милји), се смета за најдолг мост во Русија и во Европа.

Првичните идеи за изградба на мостот датираат од 1903 година, а конкретното планирање на мостот започнало во 2014 година, по руската анексија на Крим. Во јануари 2015 година, мултимилионскиот договор за изградба на мостот му беше доделен на Стројгазмонтаж на Аркадиј Ротенберг. Изградбата на мостот започна во мај 2015 година; патниот мост беше отворен на 16 мај 2018 година [6], додека завршувањето на железничката врска е закажано за 2019 година. [18]

Мостот бил наречен на Кримски мост според онлајн гласање во декември 2017 година, додека "Мостот Керч" и "Мостот за повторно обединување" биле вториот и третиот најпопуларен избор.