Крвник (филм)
„Крвник“ (шпански: El Verdugo) — филм на режисерот Луис Гарсија Берланга (Luis García Berlanga) од 1963 година. Автор на сценариото е Рафаел Аскона (Rafael Azcona), а главните улоги ги играат: Нино Манфреди (Nino Manfredi), Ема Пенела (Emma Penella) и Хосе Исберт (José Isbert). Филмот освоил неколку награди на филмските фестивали, меѓу кои позначајна е наградата ФИПРЕСЦИ на Венецијанскиот филмски фестивал, каде филмот бил номиниран и за главната награда „Златен лав“.[1]
Содржина
[уреди | уреди извор]Меѓу гробарот Хосе и ќерката на крвникот, Кармен, се раѓа необична љубов. Нејзиниот татко Амадео се подготвува да се пензионира, но не може да најде замена. По венчавката на Кармен и Хосе, Амадео го убедува Хосе да ја продолжи неговата работа. Хосе со тешко срце прифаќа, но се заколнува дека никогаш нема никого да погуби. Неговата заклетва е ставена на испит на следното закажано погубување...