Крапска Река

Од Википедија — слободната енциклопедија
Прејди на прегледникот Прејди на пребарувањето
Крапска Река
Крапска Река.jpg
Течението на реката над селото Крапа
Други имињаКрапа
ДржаваМакедонија Македонија
ОпштинаCoat of arms of Makedonski Brod Municipality (2012).svg Македонски
СелоКрапа
Слив
Главен изворБел Камен, Даутица
1.870 м
УстиеКрапски Понор
990 м
ТечениеПешницаТрескаВардарЕгејско Море
Физички особености
Должина23,2 (11,1 надземен тек; 12,1 подземен тек)

Крапска Река или Крапа — поголема десна притока на реката Треска. Според карактерот на нејзиниот тек, таа е типична понорница.[1]

Тек[уреди | уреди извор]

Реката Крапа го има изградено своето поречие во јужниот дел од масивот на планината Даутица, собирајќи ги водите на нејзината западна падина. Таа е типична понорница која своите води ги внесува во реката Треска.[2]

Должината на постојаниот водотек изнесува 11,1 км, а должината на скратената долина, во која подземно тече Крапа е 12,1 км.[2]

Извор[уреди | уреди извор]

Извира под врвот Бел Камен на височина од 1.900 метри, каде ги собира водите од повеќе извори како Студен Клајнец под врвот Старци, Бела Вода и потоците Плевниште и Бороечки Дол, и има површинско истекување на водата сѐ до под селото Крапа каде што понира во три понори, а за време на висок водостој и преку четврти.[2]

Понор[уреди | уреди извор]

Главниот понор се наоѓа во најнискиот дел од проширената долина. Има облик на бунареста вртача која од десната и челна страна е каменлива и стрмна, а левата поблага составена во горниот дел од речен нанос. Дното на понорот е исполнето со мил и гранки.[2] При нормални води сета вода на реката Крапа пропаѓа преку овој понор. Од овој главен понор долинското дно се издига и преку два поголеми превали продолжува најпрво кон север, а потоа кон запад и се спушта во долината на Треска.[2]

Во овој дел нема никакво површинско истекување на вода, а дното е исполнето со карпи и плитки вртачи. Во долниот дел над самата некогашна утока на Крапа во Треска е изградена пештерата Пешница од која избива повремено врело. Вкупната должина на Крапската Долина изнесува 23,2 км.[2]

Крапска Понорница[уреди | уреди извор]

За време на високи води во пролет и во есен, водата од Крапската Понорница се јавува во врелото на пештерата Пешница, меѓутоа за време на ниски води ова врело пресушува и се поставува прашањето каде избива водата од Крапска Река по понирањето во Крапскиот Понор.[2][1]

Со движењето на оваа вода е поврзано едно интересно научно откритие што го констатирал професорот Манаковиќ. Имено со боење во 1958 година тој утврдил дека водата на Крапа која понира во главниот понор се јавува над селото Девич во врелото Асановец. Тоа се наоѓа на левиот брег на Треска, иако поречието на Крапа е изградено од нејзината десна страна. Значи, подземниот тек на Крапа преку сифонски канали го минува коритото на Треска и се јавува во врелото Асановец кое е од левата страна на Треска.[2][1]

Галерија[уреди | уреди извор]

Поврзано[уреди | уреди извор]

Наводи[уреди | уреди извор]

  1. 1,0 1,1 1,2 Димитровска, Олгица (2012). Географски разгледи. Скопје: Институт за географија. стр. 42-43. 
  2. 2,0 2,1 2,2 2,3 2,4 2,5 2,6 2,7 "РИБОЛОВНА ОСНОВА ЗА РИБОЛОВНАТА ВОДА “ СЛИВ НА РЕКА ТРЕСКА” ЗА ПЕРИОД 2011 - 2016" (PDF) (македонски). Скопје: Министерство за земјоделство шумарство и водостопанство. 2011. стр. 2–3. конс. 13 април 2017. 

Надворешни врски[уреди | уреди извор]