Кралот на Њујорк

„Кралот на Њујорк“ (англиски: King of New York) — филм на режисерот Абел Ферара (Abel Ferrara) од 1990 година, снимен по сценариото на Николас Сент Џон (Nicholas St. John), доректор на фотографијата е Бојан Базели (Bojan Bazelli), монтажата е дело на Ентони Редман (Anthony Redman), а автор на музиката е Џо Делија (Joe Delia). Главните улоги ги играат: Кристофер Вокен (Christopher Walken), Лари Фишбурн (Larry Fishburne), Дејвид Карузо (David Caruso), Виктор Арго (Victor Argo), Весли Снајпс (Wesley Snipes), Џенет Џулијан (Janet Julian), Џои Чин (Joey Chin), Џанкарло Еспосито (Giancarlo Esposito) и Пол Калдерон (Paul Calderon). На почетокот, филмската критика имала забелешки за филмот, оценувајќи го како претерано насилен и мрачен, но со текот на времето тој се истакнал како најдобриот филм на Ферара. Покрај тоа, филмот извршил големо влијание врз хип-хоп културата: раперот Notorious B.I.G. се нарекувал „црн Френ Вајт“, а повеќе њујоршки рапери (на пример, Џеј-Зи и 6ix9ine Westside Gunn) го користеле прекарот „Крал на Њујорк“.

Синопсис

Френк Вајт (го игра Вокен), водачот на една од најсилните злосторнички организации во Њујорк, по неколку години излегува од затворот. Тој си поставува цел да собере пари за реновирање на болницата во еден сиромашен кварт на која ѝ се заканува затворање. За да успее во тоа, Френк мора да воспостави контрола врз трговијата со дрога во градот и да се ослободи од конкуренцијата, но тоа воопшто не е лесна задача, бидејќи покрај со противниците, тој мора да се бори и со политичарите и со полицијата...