Коштиња

Од Википедија — слободната енциклопедија
Прејди на: содржини, барај
Португалија Коштиња
Costinha (footballer born 1974).jpg
Лични податоци
Роден на 1 декември 1974 (1974-12-01) (воз. 43 г.)
Роден во Лисабон, Португалија
Висина &100000000000001820000001,82 м
Позиција среден ред
Повлекување 26 февруари 2010 (35 години)
Младинска кариера
Ориентал Ориентал Лисабон
Кариера*
Години Клуб Наст. (Гол.)
1994–1995 Ориентал Ориентал Лисабон 26 (3)
1995-1996 Машико Машико 30 (5)
1996–1997 Насионал Насионал 27 (4)
1997-2001 Монако Монако 84 (3)
2001-2005 Порто Порто 108 (13)
2005-2006 Динамо Москва Динамо Москва 10 (0)
2006-2007 Атлетико Мадрид Атлетико Мадрид 24 (0)
2007-2010 Аталанта Аталанта 1 (0)
Репрезентација
1998-2006 Португалија Португалија 53 (2)
Раководител на екипите
2013 Беира-Мар Беира-Мар
2013 Пасош де Фереира Пасош де Фереира
  • Сениорските учества и голови се сметаат само за домашни натпревари
податоците се од 6 јануари 2011.

† Учества (Голови).

‡ Учествата и головите за репрезентација се според податок од 17 ноември 2010

Франсиско Хозе Родригес да Кошта попознат како Коштиња (роден на 1 декември, 1974 година во Лисабон) е португалски фудбалски тренер и поранешен играч од средниот ред.

Играчка кариера[уреди | уреди извор]

Клупска кариера[уреди | уреди извор]

Роден е во Лисабон како син на татко Анголец кој емигрирал во португалската престолнина во текот на 1960-тите.[1] Својата фудбалска кариера ја започнал во родниот град играјќи најпрво за младинската екипа на фудбалскиот клуб Ориентал, а подоцна го направил и своето професионално деби и настапувал за првиот тим.

По една сезона во Машико и Насионал, во летото 1999 Коштиња бил купен од Монако. Набргу се изборил за место во стартната постава во новиот клуб и со него го освојува првиот трофеј во кариерата, француската Лига 1 во сезоната 1999-2000. После четири години поминати во Монако, се вратил во Португалија каде потпишал за Порто и веднаш станал многу важен играч во средниот ред кај тренерот Жозе Мурињо. Речиси сите негови успеси во кариерата дошле токму со Порто, освојувајќи две национални првенства (2002-2003, 2003-2004), еден Куп на Португалија (2002-2003), еден Суперкуп на Португлија (2003, 2004), Купот на УЕФА (2002-2003) и Лигата на шампионите (2003-2004). На патот до европскиот трон, Коштиња го постигнал одлучувачки гол во осмина финалето против Манчестер Јунајтед, израмнувајќи го резултатот на 1-1 во последните минути од реваншот на Олд Трафорд, со што му помогнал на Порто да продолжи понатаму по победата од 2-1 во Португалија.[2]

Во мај 2005, рускиот клуб Динамо Москва го довел Коштиња во својте редови заедно со уште двајца негови соиграчи од Порто Манише и Сеитаридис, а од претходно таму настапувал уште еден поранешен играч на Порто Дерлеи.[3] Меѓутоа, играчот од средниот ред не се пронашол во Русија па веќе следната сезона бил продаден на Атлетико Мадрид.[4]

Откако бил отшуштен од Атлетико Мадрид, Коштиња како слободен играл потпишал договор со италијанската Аталанта во август 2007.[5] На 2 септември 2007, дебитирал во Серија А, играјќи 54 минути во победата на домашен терен над Парма. Поради бројни повреди, тоа се испоставило неговиот единствен натпревар за клубот. Поради тоа што не бил во можност да игра а и високата годишна плата од 700.000 евра, клубот одлучил да го отпушти Коштиња. Откако неуспеале да се договорат околу раскинувањето на договорот, Аталанта пробала да го поништи договорот преку италијанската фудбалска федерација, но исто така без успех.[6] Коштиња го напуштил клубот тек на 23 февруари 2010 со взаемна согласност. Со напуштањето на Аталанта, Коштиња ја завршил својата играчка кариера.

Репрезентативна кариера[уреди | уреди извор]

Коштиња дебитирал за Португалија на 14 октомври 1998 во квалификациски натпревар за Евро 2000 против Словачка. Репрезентацијата изборила пласман на тој турнир, а Коштиња во натпреварот од групната фаза против Романија постигнал гол во четвртата минута од судиското продолжение за минимална победа од 1-0.[7]

Со репрезентацијата уште играл и на Евро 2004 и Светското првенство 2006. Последниот натпревар во националниот дрес го одиграл на 11 октомври, 2006, против Полска.[8] Вкупно има 53 настапи за португалската репрезентација и два гола.

Спортски директор[уреди | уреди извор]

По завршувањето на играчката кариера бил именуван за спортски директор на Спортинг Лисабон, заменувајќи го разрешениот Рикардо Са Пинто. На таа позиција бил до 9 февруари 2011 кога бил отпуштен заради дадено интервју на каналот Sport TV каде го критикувал клупското водство.[9]

Истата работа ја вршел и во швајцарскиот Сервет каде бил отпуштен заради лошите резултати.

Тренерска кариера[уреди | уреди извор]

Коштиња бил назначен за тренер на екипата на Беира-Мар на 18 февруари 2013, заменувајќи го Улисеш Мораиш.[10] Тој заминал од клубот на 22 мај по испаѓањето од првата лига.[11]

Исто така ја водел и екипата на Пасош де Фереира, но и таму добил отказ и тоа само четири месеци по назначувањето заради слабите резултатати.

Титули[уреди | уреди извор]

Франција Монако[уреди | уреди извор]

Португалија Порто[уреди | уреди извор]

Надворешни врски[уреди | уреди извор]

Наводи[уреди | уреди извор]