Коце Крстев

Од Википедија — слободната енциклопедија
Коце Крстев
1961 – 10.10.2001 (40 г.)

Роден во:Радовиш, СР Македонија СР Македонија
Починал во:Тетово
Служба во:Македонија Македонија
Чин: Полициски резервист
Битки/војни:Војна во Македонија 2001
  • Операција MX-1 и МХ-2
Одличја: Медал за храброст


Коце Крстев (Радовиш, 1961Тетово, 10 октомври 2001) бил македонски бранител, полициски резервист и учесник во воениот конфликт во Македонија во 2001 година. Загинува на 10 октомври 2001 година во тетовската касарнa во несреќен случај.[1]

Животопис[уреди | уреди извор]

Живот, војната 2001 година и смрт[уреди | уреди извор]

Коце Крстев е роден во 1961 година во Радовиш, Источна Македонија. Тој уште рано останува без неговите родители. Не бил женет и живеел до неговата смрт со неговата парализирана тетка која му е единствен род. Тој од почетокот на воениот конфликт 2001 година бил активен полицаец. Во октомври 2001 година бил стациониран во тетовската касарна. На 10 октомври 2001 година им подлегна на повредите кои ги здобил ден претходно. Според официјални информации од МВР, Крстев се здобил со тешки повреди на главата откако паднал од транспортер при извршување на задача во кругот на касарната.[2]

Инцидентот се случил наутро на 9 октомври 2001, по што повредениот полицаец бил префрлен во скопскиот Клинички Центар на Неврохирургија каде е извршена операција на главата. Полицаецот Крстев при падот се здобил со длабоки нагмечувања на мозокот, се појавило венско крвавење меѓу мозочните обвивки, а се појавиле и промени на функциите на мозокот. Поради тешките повреди Коце беше приклучен на апарати. Им послегнува на повредите на 10 октомври 2001 година.

Погребан е на гробиштата во родното Радовиш. Коце Крстев посмртно е одликуван со медал за храброст од Претседателот на Р. Македонија.[3]

Наводи[уреди | уреди извор]

  1. „Татковино, за што загинавме?“, Македонска книга 2002
  2. „Состојбата на повредениот полицаец исклучително тешка - Пукотниците продолжуваат“. А1. 9 октомври 2001.
  3. „Посмртно, со медал за храброст, одликувани 32 загинати припадници на МВР“. webohrid.com. 7 мај 2013. Архивирано од изворникот на 2014-02-23. Посетено на 2017-06-25.