Коста Групче

Од Википедија — слободната енциклопедија
Прејди на прегледникот Прејди на пребарувањето
Kosta Grupcevic.png
Роден Коста Групчев
1848
Охрид
Починал 3 февруари 1907
Истанбул
Националност Македонец
Познат македонски преродбеник и национален деец
Занимање македонист, деец


Коста Групче или Коста Групчев бил македонски национален деец и борец за македонска национална самостојност. Евро бил член на Тајниот македонски комитет, каде членувале и Темко Попов, Наум Евро и Васил Карајовов. Евро и Комитетот се залагале за македонска самостојност, воведување на македонскиот јазик во училиштата, издавање на македонски граматика и правопис и одбрана од балканските пропаганди во Македонија. Групче проповедал дека: словените во Македонија се Срби и Бугари толку, колку што се и Руси, Чеси или Полјаци, тие се Македонци, совршено одделна словенска народност[1].

Биографија[уреди | уреди извор]

Насловна страна на „Цариградски гласник“, 13 април 1895. „Администратор: Коста Групчевиќ“

Коста Групче бил роден во 1848 година во Охрид, тогаш во рамките на Отоманската Империја, во големото семејство Групчеви. Тој е син на Ангел Групче, близок соработник на Григор Прличев, и на Катерина Групчева. Своето рано образование го стекнал кај Григор Прличев на грчки јазик. На 16 години тој заминал за Романија, а потоа во Виена и потоа пак се враќа во Отоманската Империја. Тој се занимавал со слаткарство, заедно со својот брат. Во 1885 година Коста Групче се запишал на Софискиот универзитет и станал член на ученичкото друштво „Свети Климент“. Истата година, Коста Групче заедно со Темко Попов. Наум Евро и Васил Карајовов го основале Тајниот македонски комитет. Тој бил уапсен од бугарските власт при неговото патување кон Истанбул и бил затворен во Стара Загора. Тој бил осуден како руски шпион, но потоа бил ослободен по српската и руска интервенција.

Во Истанбул, Коста Групче неуспешно се обидел да го издаде македонскиот весник „Македонски глас“ (1887) и да создаде македонски буквар, кој патем останал ракопис (1888). Тој умрел во Истанбул.

Поврзано[уреди | уреди извор]

Наводи[уреди | уреди извор]

  1. А. Шоповь, Изь новата история на Бьлгаритеь вь Турция, Пловдивь, Тьрговска печатница, 1895,78

Надворешни врски[уреди | уреди извор]