Костањевица на Крка

Од Википедија — слободната енциклопедија
Прејди на прегледникот Прејди на пребарувањето
Костањевица на Крка
Kostanjevica na Krki
Skyline of Костањевица на Крка
Грб на Костањевица на Крка
Костањевица на Крка is located in Slovenia
Костањевица на Крка
Костањевица на Крка
Местоположба во Словенија.
Координати: 45°50′46.8″N 15°25′29.5″E / 45.846333° СГШ; 15.424861° ИГД / 45.846333; 15.424861
Држава Словенија
Традиционален регионДолењска
Статистички регионПосавски
ОпштинаКостањевица на Крка
Површина
 • Вкупна2,4 км2 (0,9 ми2)
Надм. вис.&10000000000000150400000150,4 м
Население (2020)
 • Вкупно689
 • Густина290/км2 (740/ми2)
Часовен појасUTC+1
Пошт. бр.8311
Рег. таб.KK

Костањевица на Крка (словенечки: Kostanjevica na Krki; германски: Landstraß) — мал град во Општина Костањевица на Крка во источна Словенија. Областа е дел од историскиот регион Долењска. Градот е центар на општината Костањевица на Крка. Се наоѓа на северното подножје на Жумберачките Планини и се протега до границата со Хрватска. Центарот на населбата е на остров во реката Крка, а исто така е промовирана како „Венеција на Долењска“ (словенечки: Dolenjske Benetke). Градот сега е вклучен во Посавскиот статистички регион.[1]

Етимологија[уреди | уреди извор]

Името на населбата е сменето од Костањевица во Костањевица на Крка во 1955 година. Во минатото германското име било Landstraß.[2]

Историја[уреди | уреди извор]

Опатија Костањевица

Градот е заштитен како културно-историски споменик.[3] Костањевица е најстариот град во регионот. Во почетокот на 13 век, коруншкиот војвода Бернхард фон Спанхајм ја основал опатија „Фонтана на Света Марија” (латински: Fons Sanctae Mariae) на јужната граница на Маршот Крањска Крајина..

Населбата Костањевица првпат била спомната како град во 1210 година и добила пазарни права во 1249 година. За време на доцниот среден век, тој бил важен трговски центар во Војводството Крањска што го држеле Хабсбуршките надвојводи од Австрија. По неколку пустошења од османлиските воени напади во 15 и 16 век, таа ја изгубила својата важност. По 17 век, таа се претворила во претежно рурална населба, која сепак го задржала својот градски статус. Во 2000 година, Националното собрание го призна за град.[4]

Знаменитости[уреди | уреди извор]

Мост на реката Крка

Поранешниот манастирски комплекс, кој беше сериозно оштетен во Втората светска војна, е реновиран и во него сега се наоѓа галеријата Божидар Јакац, уметничка галерија со парк за скулптури и постојана изложба на дела од Божидар Јакац. Во него доминира раноготската опатија црква изградена во 1234 година.[5]

Парохиската црква во градот е посветена на Свети Јаков и припаѓа на Римокатоличката епархија Ново Место. Таа е првично романескна зграда од 13 век, која во голема мера била обновена во барокен стил во 17 век.[5] Во близина е пештерата Костањевица (словенечки: Kostanjeviška jama), популарна туристичка дестинација.

Наводи[уреди | уреди извор]

  1. „Kostanjevica na Krki – Občina Kostanjevica na Krki“ (словенечки). Посетено на 2021-11-23.
  2. Leksikon občin kraljestev in dežel zastopanih v državnem zboru, vol. 6: Kranjsko. 1906. Vienna: C. Kr. Dvorna in Državna Tiskarna, p. 68.
  3. „Uradni list - Vsebina Uradnega lista“. www.uradni-list.si. Посетено на 2021-11-24.
  4. „Wayback Machine“ (PDF). web.archive.org. 2011-07-26. Посетено на 2021-11-24.
  5. 5,0 5,1 „RKD.SITULA.ORG“. rkd.situla.org. Посетено на 2021-11-24.