Корушка

Од Википедија — слободната енциклопедија
Прејди на: содржини, барај

Корушка (гер. Kärnten, слов. Koroška) е една од деветте сојузни покраини во Република Австрија, која се наоѓа во нејзиниот јужен дел. Зафаќа површина од 9.535 квадратни километри и тука живеат околу 560.000 жители. Главен град е Клагенфурт.

Положба[уреди]

Корушка го зазема јужниот дел на Австрија. Се граничи со:

Географија[уреди]

Со површина од 9.535 квадратни километри, Корушка е петта по големина покраина во Австрија. Според рељефот, покраината се наоѓа на планинскиот венец на Алпите, па така овде се наоѓа и највисокиот врв во државата, Гросглокнер, висок 3.798 метри. Климата е претежно континентална, само во повисоките делови е планинска. Водите ги застапуваат многу реки и леднички езера, меѓу кои најпозната е реката Драва, која течи во средишниот дел на покраината.

Население[уреди]

Со над 560.000 жители и густина на населеност од 60 жители/км2 Корушка е шеста по бројност покраина во Австрија. Најголемиот дел од населението го сочинуваат Австријци, но има и значителен број на Словенци. Во последните години има и многу доселеници од другите поранешни југословенски републики и од Турција.