Ает (тур. ayet; арап. آية, ајах) е израз што значи знак или чудо. Меѓутоа, обично се користи како назив за еден од 6236-те стиха во Куранот, зашто муслиманите веруваат дека секој стих во Куранот е Божје слово.
Зеќает (или зекат — тур. zekât; арап. زكاة, заках) е еден од петте столба на исламот. Сите муслимани кои имаат определено богатство (над основното за живот) се задолжуваат да делат дел (дел од 2,5% на крајот на годината) од своето богатство за сиромасите. Делењето е во споредба со богатството што го имаат. Во организирани исламски држави, зеќаетот го собира и го дели државата.
Медреса (тур. medrese; арап. مدرسة, мадраса) буквално значи „место на подучување“. Во поширока смисла, поимот означува вид исламска висока школа.
Мезхеб
Мектеб во превод значи „училиште“. Поимот „мектеб“, во македонскиот јазик, претставува основно исламско верско училиште. Исламска верска школа од повисоко ниво од мектеба се вика медреса.
Муезин (тур. müezzin; арап. مؤذن, муадин) е избрана личност која во џамии, од врвот на минарет, ги повикува верниците на молитва (намаз).
Минбер
Муфтија (тур. müftü; арап. مفتي, муфти) е претставник на верска власт и правосуден толкувач на шеријатот, исламскиот закон, признат поради својата честитост, верско и правно знање. Муфтија може да издаде фетва кога треба да реши уште непознат правен проблем. Кај шиитите, функцијата на муфтии ја обавуваат ајатоласите.
Намаз (тур. namaz; перс. نماز) или салат (арап. صلوة, салат) е најзначајниот вид на молитва кај муслиманите. Намазот претставува еден од петте столба на исламот кај сунитите, и еден од десетте чинови на исламот кај шиитите.