Копитник
| Копитник | |
|---|---|
 | |
| Научна класификација [ у ] | |
| Непознат таксон (попр): | Asarum |
| Вид: | Копитник |
| Научен назив | |
| Asarum europaeum L. | |
Копитник (науч. Asarum europaeum) ― вид цветно растение од семејството копитници (Aristolochiaceae), по потекло од умерена Европа, а исто така се одгледува и во градини. Тоа е ползечко зимзелено повеќегодишно растение со сјајно зелени листови во форма на бубрег и осамени мат виолетови цветови скриени од листовите. Иако неговите корени имаат арома на ѓумбир, не е тесно поврзан со вистинскиот кулинарен ѓумбир (Zingiber officinale). Ова растение понекогаш се бере за употреба во бурмут, а исто така и во медицината како средство за повраќање.[1][2] ФДА предупредува да не се консумира, бидејќи е нефротоксичен и содржи моќна канцерогена аристолохична киселина.[3][4]
Опис
[уреди | уреди извор]Растение со дебел, ползечки и разгранет ризом. Стеблото е кусо, 2-5 см, полегнато, влакнесто, со 2-5 листа. Листовите во основата се со кафеави лушпи, ламината бубреговидна или срцевидна, поширока од должината, коѓеста, горната страна темно зелена и светликава. Цветовите се поединечни, на врвот на стрелото, правилни, долги околу 15 мм. Прашници има 12, со шиловидни израстоци и со куси филаменти.[5]
Распространетост и живеалиште
[уреди | уреди извор]Asarum europaeum има широка распространетост во Европа. Се протега од јужна Финска и северна Русија на југ до јужна Франција, Италија, поранешна Југославија и Бугарија. Отсуствува на Британските Острови и Скандинавија, а исто така и од северозападна Германија[6] и Холандија. Во Европа, растението се одгледува надвор од својот ареал во Обединетото Кралство, Данска, Шведска, Норвешка и Холандија.[7]
Во Македонија
[уреди | уреди извор]Во Македонија е доста често растение, кое расте по влажни и засенчени букови шуми. Познато е реичиси за сите планини и клисури во појасот на буковите шуми.[5]
Во поновата флористичка литература се наведува само подвидот: Asarum europaeum var. romanicum (Kukkonen)[5]
Фото галерија
[уреди | уреди извор]
Лисја
Asarum europaeum во Ботаничка градина
Цвет, Московска област, Русија
Горна страна на листот.
Долна страна на листот.
Наводи
[уреди | уреди извор]- ↑ Seidemann, Johannes (July 2005). World Spice Plants: Economic Usage, Botany, Taxonomy (1. изд.). Germany: Springer. стр. 57. ISBN 3-540-22279-0.
- ↑ Katzer, Gernot. „Geographic Spice Index“. Gernot Katzer's Spice Pages.
- ↑ „Determination of aristolochic acid I and II in North American species of Asarum and Aristolochia“. Pharmazie. 57 (10): 686–9. October 2002. PMID 12426949.
- ↑ „Aristolochic Acid: FDA Warns Consumers to Discontinue Use of Botanical Products that Contain Aristolochic Acid“. U.S. Food and Drug Administration. 11 April 2001. Архивирано од изворникот на 10 July 2009.
- 1 2 3 Кирил Мицевски: Флора на СР Македонија, том 1, св. 1, стр. 86, МАНУ, Скопје, 1985
- ↑ Schmeil, Otto; Fitschen, Jost; Seybold, Siegmund (2006). Flora von Deutschland, 93. Auflage (германски). Wiebelsheim: Quelle & Meyer Verlag. стр. 190. ISBN 3-494-01413-2.
- ↑ T. G. Tutin; V. H. Heywood; N. A. Burges; D. H. Valentine; S. M. Walters; D. A. Webb (уред.). „Asarum europaeum“. Flora Europaea. Cambridge University Press.
|