Константин Дука (син на Михаил VII)

Од Википедија — слободната енциклопедија
Прејди на прегледникот Прејди на пребарувањето
Константин Дука
Ко-император на Византија
Владеење1074–1078
1081–1088[1]
Роден(а)околу 1074
Починал(а)1095
ПретходникМихаил VII Дука
НаследникАлексиј I Комнин
ДинастијаДинастија Дука
ТаткоМихаил VII Дука
МајкаМарија Аланска

Константин Дука (латински: Konstantin Dukas Porphyrogennetos, грчки: Κωνσταντίνος Δούκας Πορφυρογέννητος; околу 1074 - 12 август 1095/1097) бил византиски соимператор во периодот од околу 1074 до 1078 и од 1081 до 1087/1088 година.

Тој потекнува од византиска династија Дука. Константин бил на Михаил VII Дука, кој во периодот од 1071 до 1078 година бил император на Византиската империја и син на царот Константин X. Мајка му Марија Аланска била грузиска принцеза од ерменскиот род на Багратидите, ќерка на Баграт IV, царот на Грузија (1027- 1072). Таа се омажила по втор пат за император Никифор III Вотанијат (1078-1081)[2].

Наречен уште Багренороден бидејќи бил роден во Багренската сала на Големата палата во Константинопол[3], како неговиот чичко Константин Дука. Уште во август 1074 година, наскоро по раѓањето тој бил свршен за Олимпија односно Еелена од Отевил, ќерката на Робер Жискар[1][4], но се разделиле 1078 година.

Малку по раѓањето на Ана Комнина (1 декември 1083 година), ќерка на царот Алексиј I Комнин[5], Константин бил свршен во 1084 година за неа и прогласен за коимператор со Алексиј[6]. Во 1087 година се родил Јован II Комнин, по кое Константин ги изгубил своите права како наследник и набргу потоа починал во Сер во Централна Македонија. Во 1097 година Ана се омажила за генерал Никифор Вриениј.

Наводи[уреди | уреди извор]

  1. 1,0 1,1 Canduci, pg. 277
  2. Finlay, pg. 57
  3. Kazhdan, pg. 657
  4. Norwich, pg. 14
  5. Norwich, pg. 5
  6. Norwich, pg. 12

Литература[уреди | уреди извор]

  • Norwich, John Julius (1996), Byzantium: The Decline and Fall, Penguin, ISBN 0-14-011449-1 
  • Canduci, Alexander (2010), Triumph & Tragedy: The Rise and Fall of Rome's Immortal Emperors, Pier 9, ISBN 978-1-74196-598-8 
  • Kazhdan, Alexander, уред. (1991), Oxford Dictionary of Byzantium Vol. I, Oxford University Press, ISBN 978-0-19-504652-6 
  • Polemis, D.I. (1968). The Doukai. London. 
  • J. M. Hussey, уред (1966). The Cambridge Medieval History, Volume IV The Byzantine Empire, Part 1 Byzantium and Its Neighbours. London: The Syndics of the Cambridge University Press. стр. 793. 
  • George Finlay, History of the Byzantine and Greek Empires from 1057–1453, Volume 2, William Blackwood & Sons, 1854