Конгур

Конгур
Ρουπέσκο
Врвот Конгур со планините Алиботуш (лево) и Боздаг (десно) во позадината
Највисока точка
Надм. вис.	1.951 м
Координати	41.3212° СГШ; 23.1748° ИГД / 41.3212; 23.1748
Друго име	Ρουπέσκο
Географија
Конгур на карта
Место	Петричко, Пиринска Македонија Валовишко, Егејска Македонија
Матичен венец	Беласица

Конгур (грчки: Ρουπέσκο, Рупеско), наречен и Голем Конгур, Конгуро или Конгоре — врв на планината Беласица, на границата меѓу Пиринска и Егејска Македонија. Висок е 1.951 м.

Местоположба

Врвот се издига на главното планинско било, источно од врвот Пункова Скала и првенецот Радомир. Има хуполест облик со заоблени падини. Сочинет е од метаморфни карпи. Почвата а кафеава шумска. Обраснат е со подалпска тревна растителност. Од североисточното подножје во месноста Гингеро извира реката Луда Мара. Врвот е воедно највисоката точка на резерватот Конгура. По неговото било минува државната граница меѓу Бугарија и Грција. На самиот врв има напуштена грчка караула која се забележува оддалеку. Врвот Конгур е обележан со граничната пирамида бр. 28.

Туризам

Почнувајќи од 2008 г. секоја прва недела во мај туристичкото друштво „Калабак“ приредува масовно искачување на врвот од градот Петрич во рамките на програмата за градскиот празник Ѓурѓовден.

Искачување

Искачувањето се врши од градот Петрич и планинарските домови „Беласица“ и „Конгур“.

Занимливост

По врвот е наречен ледникот Конгур (Kongur Glacier) на островот Смит од архипелагот Јужни Шетландски Острови на Антарктикот.

Поврзано

• Конгура — резерват околу врвот
• Радомир (врв) — соседен врв

Надворешни врски

• Погледи од врвот Конгур Архивирано на 3 октомври 2022 г.
• Слики од врвот Конгур Архивирано на 30 август 2008. — слика од врвот во 360°