Коминарка
 Комова ракија | |
| Алкохол по волумен | 35–55% |
|---|---|
| Состојки | комина |
| Варијанти |
|
Коминарка, комовица[1] или комова ракија – вид ракија добиена од комина.[2] Коминарката е нуспроизвод во процесот на правење вино. Комовица се произведува со дестилација на превриена комина од свежо грозје.[3]
Разлика меѓу коминарка и гроздовица[уреди | уреди извор]
Многумина не прават разлика меѓу гроздовица и комовица. Комовицата е ракија добиена од комина од грозје која останува после цедењето на виното, при што може да се додаде и вински талог, додека гроздовицата е ракија добиена со дестилација на ферментиран гроздов клук (клук е грозјето одвоено од петелките и изгмечено).
Содржина на комовицата[3][уреди | уреди извор]
Коминарката содржи:
- стварен алкохол од 30—55 волумни %;
- екстракт до 6 грама на литар;
- вкупна киселина, како оцетна киселина од 200—1.000 милиграми за литар апсолутен алкохол;
- естери, како етил естер оцетна киселина од 1.000—5.000 милиграми на литар апсолутен алкохол;
- метилалкохол од 0,2 до 2,0 волумни % сметано во апсолутен алкохол;
- виши алкохоли од 1.400 до 5.500 милиграми на литар апсолутен алкохол;
- алдехиди од 100 до 500 милиграми на литар апсолутен алкохол;
- фурфурол до 30 милиграми на литар апсолутен алкохол;
- издашност најмалку 1:1.300.
Производство на комовица[уреди | уреди извор]
На сто литри комина во бочва, се додаваат два литри квасец заради забрзување и постојаност на вриењето, кое обично трае 10 до 15 дена. Комовицата се подготвува со дестилација на превриена комина од грозје, која останува после цедењето вино. Од 100 килограми грозје, се добива 15 до 30 килограма свежа, непревриена слатка, или 13—25 килограма превриена комина. Ако комината е од розови и црвени вина, може во некои случаи да содржи извесна количина непревриен шеќер. Оваа комина треба да се остави да заврши со вриењето и потоа веднаш се дестилира.
Слатката комина која се добива при подготовка на бели вина со цедење на ширата, треба најпрво да преврие, па после тоа да се дестилира. При чувањето на превриената комина до моментот на дестилација или ставање на ферментирање на слатката, непревриена комина, истата треба да се заштити од воздух. Ова е неопходно бидејќи во присуство на воздух се развиваат бактерии од оцетна киселина и мувла, кои го расипуваат вкусот и мирисот на идната комова ракија. Од овие причини, честопати лошо чуваната комина може да биде целосно неупотреблива.
После 10—14 дена комината може да се дестилира бидејќи ферментацијата е завршена. Околу 100 килограми комине добиена од вино со јачина 10 вол. % алкохол може да се очекуваат 10—11 литри комова ракија со јачина 50 вол. % алкохол.[4]
Комовицата како лек[уреди | уреди извор]
Комовица се традиционално користи за правење облоги за ревматични места или снижување на висока телесна температура. Со пиење на помали количини ракија се забрзува циркулацијата на крвта во организмот, па така се делува и на метаболизмот. Лековитите својства на коминарката може да се зголемуваат со додавање лековити треви или плодови и тоа на три начини: со конзервирање на плодови (на пр. вишна, млад орев...) во ракијата, со додавање на лековити треви или со варење на ракијата со додаток на лековити треви.[5]
Поврзано[уреди | уреди извор]
Наводи[уреди | уреди извор]
- ↑ „комовица“ — Дигитален речник на македонскиот јазик
- ↑ „коминарка“ — Дигитален речник на македонскиот јазик
- ↑ 3,0 3,1 „ПРАВИЛНИК ЗА РЕОНИЗАЦИЈА НА ЛОЗАРСКИТЕ ПОДРАЧЈА, ЗА УСЛОВИТЕ НА ПРОИЗВОДСТВОТО И ПРОМЕТ НА ГРОЗЈЕ, ШИРА, ВИНО И НА ПРОИЗВОДИТЕ ОД ГРОЗЈЕ И ВИНО, ЗА ОПРЕДЕЛУВАЊЕ НА КВАЛИТЕТОТ И ЗАШТИТА НА ГЕОГРАФСКОТО ПОТЕКЛО НА ВИНАТА И НИВНОТО ОЗНАЧУВАЊЕ ВО СР МАКЕДОНИЈА“ (PDF). Службен весник на СРМ. 12: 232. 1980. Посетено на 2019-06-25.
- ↑ Kako se pravi komovica | Bašta detalji članka | Novosti.rs
- ↑ Која ракија што лечи