Кобалт-60

Шема на распаѓање на ⁶⁰Co

Кобалт-60 (Co-60 или ⁶⁰Co) е радиоактивен изотоп на кобалтот, со период на полураспаѓање од 5,27 години. Кобалтот-60 по пат на бета распаѓање се трансформира во стабилен изотоп никел-60 (⁶⁰Ni). При процесот на бета распаѓање, кобалтот-60 емитира еден електрон со енергија до 315 keV и два гама-зраци со енергии од 1,17 и 1,33 MeV.

Радиоактивноста на еден грам ⁶⁰Co изнесува 1,85 ТBq и истата резултира во доза од 0,5 Gy во минута. Доколку човековиот организам прими дозен еквивалент од 3-4 Sv, леталниот ризик изнесува 50% за 30 дена. Оваа вредност се постигнува за време од 6-8 минути изложување на 1 грам ⁶⁰Co на блиски растојанија до човековото тело.

Историја

Радиоактивниот изотоп кобалт-60 е откриен од Глен Т. Сиборг и Џон Ливингуд од Универзитетот Беркли, Калифорнија, во 1938 година.

Производство

Кобалтот-60 се произведува за комерцијална примена во линеарните акцелератори. Исто така може да се добие и како нус-производ во јадрените реактори, резултат на изложеност на градежните материјали на неутронско зрачење, како на пример челикот.

Примена

• Како трасер во хемиските реакции,
• Стерилизација на медицинска опрема,
• Радиоактивен извор во медицинската радиотерапија,
• Радиоактивен извор во индустриската радиографија,
• Радиоактивен извор во уредите за мерење на ниво и дебелини,
• Радиоактивен извор во озраченоста на храна
• Радиоактивен извор во лабораториска примена.

Надворешни врски

• Don Skelton. Експеримент за производство на Кобалт-60 Архивирано на 21 септември 2006 г. (англиски)
• Кобалт-60, Агенција за заштита на околината. (англиски)
• Национален инвентар за загадувачи - факти за кобалтот Архивирано на 19 февруари 2006 г. (англиски)
• Кобалт-60 Архивирано на 16 август 2007 г., Национална лабораторија на САД. (англиски)
• Кобалт-60 Архивирано на 30 ноември 2005 г., Центри за контрола на болести и превенција. (англиски)
• Бета распаѓање на кобалт-60, HyperPhysics, Georgia State University. (англиски)
• Доктор Хенри Кели. Кобалт-60 како валкана бомба Архивирано на 5 април 2002 г., Федерација на американски научници, 6 март 2002.