Книги на дишењето

Од Википедија — слободната енциклопедија
Прејди на прегледникот Прејди на пребарувањето
Дел од Книгата на дишењето, хиератички папирус. Од Египет, веројатно од Теба. Птоломејски период, 323–30 п.н.е. Музеј Ној, Берлин

Книгите на дишењето (арап. كتاب التنفس) се неколку доцноантички египетски погребни текстови, наменети да им овозможат на починатите луѓе да продолжат да постојат во задгробниот живот. Најраната позната копија датира од околу 350 п.н.е.[1] Други копии потекнуваат од Птоломејскиот и римскиот период на египетската историја, дури во вториот век од нашата ера.[2] Тоа е поедноставена форма на Книгата на мртвите.

Книгите првично биле наречени Писмо на дишење кое Изида го направила за нејзиниот брат Озирис, Првото писмо на дишење и Второто писмо на дишење. Тие се појавуваат во многу различни копии, а научниците често ги мешаат една со друга.[3] Нивните наслови го користат зборот „дишење“ како метафоричен термин за сите аспекти од животот што покојникот се надевал дека ќе ги доживее повторно во задгробниот живот. Текстовите ги поттикнуваат различните египетски богови да го прифатат покојникот во своето друштво.[4]

Некои од папирусите што Џозеф Смит рекол дека ги користи за да ја преведе Книгата на Авраам се делови од Книгите на дишење.[5]

Поврзано[уреди | уреди извор]

Наводи[уреди | уреди извор]

  1. Hornung 1999, pp. 23–25
  2. Smith 2009, pp. 462, 500, 521
  3. Smith 2009, pp. 462, 499, 514
  4. Smith 2009, pp. 466, 503, 517–518
  5. Ritner, R. K. (2013). The Joseph Smith Egyptian papyri: A complete edition ; P. JS 1-4 and the hypocephalus of Sheshonq. Salt Lake City: The Smith Pettit Foundation. Page74

Литература[уреди | уреди извор]

  • Hornung, Erik (1999). The Ancient Egyptian Books of the Afterlife (German). David Lorton (translator). Cornell University Press.CS1-одржување: непрепознаен јазик (link)
  • Smith, Mark (2009). Traversing Eternity: Texts for the Afterlife from Ptolemaic and Roman Egypt. Oxford University Press. ISBN 978-0-19-815464-8.