Книга за џунглата
 Прво издание а книгата, илустрирано од Џон Локвуд Киплинг | |
| Автори | Радјард Киплинг |
|---|---|
| Илустратори | Џон Локвуд Киплинг (таткото на Радјард) |
| Земја | ОК |
| Јазик | англиски |
| Серијал | Книги за Џунглата |
| Жанрови | Книга за деца |
| Издавач | Мекмилан |
Издадена | 1894 |
| Претходна | Во Рух |
| Следна | Втора книга за џунглата |
| Текст | Книга за џунглата на Викиизвор |
„Книга за џунглата“ е збирка со раскази од 1894 година од англискиот автор Радјард Киплинг. Повеќето од ликовите се животни како што се тигарот Шир Кан и мечката Балу, иако главен лик е момчето или „човечкото младенче“ Могли, кое било одгледано во џунглата од волци. Повеќето раскази се во шума во Индија; едно место кое постојано се споменува е „Сиони“ (Сеони), во централната држава Мадја Прадеш.
Главна тема во книгата е напуштањето проследено со згрижување, како во животот на Могли, што е одраз на детството на Киплинг. Темата се одразува во триумфот на главните ликови, вклучувајќи ги Рики-Тики-Тави и Белата фока над нивните непријатели, како и на Могли. Друга важна тема е за законот и слободата; приказната не е за однесувањето на животните, а уште помалку за дарвинистичката борба за опстанок, туку за човечките архетипови во животинска форма. Тие учат почитување на авторитетот, послушност и познавање на своето место во општеството со „законот на џунглата“, но приказните исто така ја илустрираат слободата на движење помеѓу различни светови, како на пример кога Могли се движи помеѓу џунглата и селото. Критичарите, исто така, ја забележале суштинската дивост и беззаконската енергија во приказните, што ја одразува неодговорната страна на човечката природа.
„Книга за џунглата“ останала популарна, делумно преку нејзините бројни адаптации за филм и други медиуми. Критичари како Свати Синг забележале дека дури и критичари кои се претпазливи кон Киплинг поради неговиот наводен империјализам се восхитуваат на моќта на неговото раскажување на приказни.[1] Книгата имала влијание врз извидничкото движење, чиј основач, Роберт Баден-Пауел, бил пријател на Киплинг.[2] Перси Грејнџер го составил својот циклус „Книга за џунгла“ околу цитати од книгата.
Поврзано
[уреди | уреди извор]Наводи
[уреди | уреди извор]- ↑ Singh, Swati (2016). Secret History of the Jungle Book. The Real Press. стр. 7. ISBN 978-0-9935239-2-2. Архивирано од изворникот на 29 June 2023. Посетено на 15 December 2017.
- ↑ „History of Cub Scouting“. Boy Scouts of America. Архивирано од изворникот на 2 November 2017. Посетено на 30 October 2016.
A strong influence from Kipling's Jungle Book remains today. The terms "Law of the Pack", "Akela", "Wolf Cub", "grand howl", "den", and "pack" all come from the Jungle Book.
Надворешни врски
[уреди | уреди извор]
 |
„Книга за џунглата“ на Ризницата ? |
|