Клисура на Пена

Од Википедија — слободната енциклопедија
Прејди на прегледникот Прејди на пребарувањето

Клисура на Пенаклисура на реката Пена во областа Полог, северозападна Македонија. Претставува една од најзабележителните и најдлабоки клисури во Македонија. Всечена е во средишниот дел на Шар Планина, во должина од 22 км[1]. Започнува од месноста Џинибег, западно од Титов Врв (2.747 м), а завршува кај Тетово, од каде што Пена добива рамничарски карактер до вливот во Вардар.

Протегање[уреди | уреди извор]

Клисурата има општ правец југозапад-североисток, а по вливот на Вејчичка Река свртува кон југоисток. Обично е доста длабока, до 1.500 м[1], а нејзините стрмни страни се изградени претежно од шкрилци, мермери и варовници. На страните на клисурата е изразен водосоголен релјеф, а фосилен леднички и доледнички релјеф се јавува во повисоките делови, каде што има моренски материјал по дното. На одделни мали месности има карстен релјеф. Поради големиот наклон и застапеноста на неотпорни и распаднати шкрилци, по страните има силна ерозија и чести свлечишта. На притоките на Пена, пак, низ клисурата има бројни помали водопади. На излезот од клисурата, Пена изградила огромна плавина на која лежи градот Тетово.

Поврзано[уреди | уреди извор]

Наводи[уреди | уреди извор]

  1. 1,0 1,1 Група автори (2016). „Клисура на реката Пена“. Студија за геодиверзитетот и геонаследството на Република Македонија и другите компоненти на природата. Скопје: Министерство за животна средина и просторно планирање. стр. 152. ISBN 978-9989-110-90-0. http://www.moepp.gov.mk/wp-content/uploads/2016/12/STUDIJA_PRIRODA.pdf.