Клечовце

Од Википедија — слободната енциклопедија
(Пренасочено од Клечевце)
Прејди на прегледникот Прејди на пребарувањето
Клечевце
Клечевце is located in Македонија
Клечевце
Местоположба на Клечевце во Македонија
Координати 42°6′57″N 21°51′25″E / 42.11583° СГШ; 21.85694° ИГД / 42.11583; 21.85694Координати: 42°6′57″N 21°51′25″E / 42.11583° СГШ; 21.85694° ИГД / 42.11583; 21.85694
Општина Општина Куманово
Население 573 жит.
(поп. 2002)
Надм. вис. 520 м
Клечевце на општинската карта
Клечевце во Општина Куманово.svg

Атарот на Клечевце во рамките на општината

Клечовце или Клечевце е село во Општина Куманово, во околината на градот Куманово.

Географиja и местоположба[уреди | уреди извор]

Селото се наоѓа во областа Средорек, сместено недалеку од устието на Крива Река во Пчиња и недалеку од железничката линија Куманово - Бељаковце. Селото е рамничарско, на надморска височина од 520 метри. Од градот Куманово, населбата е оддалечена 21 км. Атарот зафаќа простор од 18,9 км2. Населбата има полјоделска функција.[1]

Историja[уреди | уреди извор]

Историјата на Клечовце започнува уште од турско време, кога името му било Чаушчојле, а можно е и порано, затоа што нема докази колку е старо ова село. Во него најпрво се доселиле побогатите Турци како и некои сиромашни (како робови). За време на турското ропство врз Македонија, Клечовце било голем центар каде што можело да се пронајде оружје. Низ текот на годините, Клечовце било и општина (до 2004 година). Во 1952 година од Клечовце биле иселени (по своја волја) и последните Турци кои живееле таму. Денес во селото живеат Македонци и мал дел Срби.

Економија[уреди | уреди извор]

Економијата на ова населено место е многу слаба, па затоа сите млади луѓе одлучуваат да се отселат и да се преселат во поголемите градови како Куманово, Скопје, па дури и во странство. Луѓето кои живеат таму живеат од агрикултурата или работат во градот како градежни работници за многу мали плати.

Демографија[уреди | уреди извор]

Според статистиката на Васил К'нчов („Македониja, Етнографиja и статистика“) од 1900 година, во Клечевце живееле 595 жители, од кои 350 Турци и 245 Македонци.[2]

Според секретарот на бугарската егзархија Димитар Мишев, („La Macédoine et sa Population Chrétienne“) во 1905 година во Клечевце имало 160 Македонци, патријаршисти и 90 Роми. Во селото функционира српско училиште.[3]

Според последниот попис на населението на Македонија од 2002 година, селото има 573 жители, од кои 555 Македонци, 17 Срби и 1 останат.[4]

На табелата е прикажан бројот на населението во сите пописни години:[5]

Година 1900 1905 1948 1953 1961 1971 1981 1991 1994 2002
Население 595[2] 250[3] 1.207 1.328 1.382 1.165 935 694 615 573

Населението сѐ повеќе се намалува затоа што морталитетот е поголем во однос со природниот прираст, но и поради иселувањето од него.

Родови[уреди | уреди извор]

Клечовце е македонско село.

Според истражувањата од 1972 година, родови во селото се:

  • Доселеници: Лукинци (10 к.) доселени се од селото Луке кај Крива Паланка; Војинчанци (7 к.) и Мазници (5 к.) доселени се од селото Војник; Нешковци (6 к.) и Димковци (1 к.) доселени се од селото Трстеник во Овче Поле; Бојковци (6 к.) доселени се од селото Режановце. Ја знаат следната генеологија Петре (жив на 85 год. во 1972 година) Петруш-Бојко, кој се доселил во селото; Зекини (5 к.) доселени се од селото Јачинце; Бајевци (5 к.) доселени се од селото Кшање; Петрушевци (1 к.) доселени се од селото Макреш; Тошевци (1 к.) и Тошевци (1 к.) доселени се однекаде. Пред крајот на турското владеење Јован Цвијиќ забележал доселеници во селото од скопско и дебарско.
  • Доселеници по турското владеење: Огутќанци (13 к.) доселени се од селото Огут во Горна Пчиња; Габранци (5 к.) и Ѓуковци (5 к.) доселени се од селото Габар кај Крива Паланка; Стојанчевци (5 к.), Борковци (3 к.) и Маринци (3 к.) доселени се од селото Подржи Коњ во Горна Пчиња; Петраљинци (5 к.) и Богдановци (4 к.) доселени се од селото Петралица кај Крива Паланка; Поповци (4 к.) доселени се од селото Старо Нагоричане; Црцорци (6 к.) доселени се од Црцорија кај Крива Паланка; Метежевци (7 к.) доселени се од селото Метежево во Горна Пчиња; Дедо Алексовци (3 к.) доселени се од селото Длабочица кај Крива Паланка; Дренчанци (2 к.) доселени се од селото Дренак кај Крива Паланка; Американци (2 к.) доселени се од селото Градец кај Крива Паланка; Канаревчанци (2 к.) доселени се од селото Канарево; Овчеполци (1 к.) доселени се од некое село во Овче Поле.
  • Роми: Крошњарци (5 к.), Даниловци (5 к.), Кокошчевци (4 к.), Науновци (4 к.), Радевци (4 к.), Јежовци (3 к.), Тодевци (3 к.), Аврамовци (2 к.), Масевци (2 к.), Тодосијевци (2 к.), Величковци (1 к.), Ѓуневци (1 к.) и Костевци (1 к.) никој не знае ништо за своето потекло.[6]

Општествени институции[уреди | уреди извор]

Од општествени институции има доста работи како: основно училиште(од 1-во до 8-мо), пошта, продавници, дневен престој за стари луѓе и една детска градинка.

Администрација и политика[уреди | уреди извор]

Редовни настани[уреди | уреди извор]

Од редовните настани застапени се фудбалските натпревари на стадионот (кој го има во општеството).

Личности[уреди | уреди извор]

Иселеништво[уреди | уреди извор]

Надворешни врски[уреди | уреди извор]

  1. Митко Панов, Енциклопедија на селата во Република Македонија, стр.151
  2. 2,0 2,1 Кънчов, Васил. Македония. Етнография и статистика, София, 1900, стр. 215.
  3. 3,0 3,1 Brancoff, D.M. La Macédoine et sa Population Chrétienne. Avec deux cartes ethnographiques, Paris, 1905, pp. 128-129.
  4. http://www.stat.gov.mk/publikacii/knigaX.pdf Попис во Македонија 2002. - Книга 10.
  5. Население на Република Македонија според изјаснувањето за етничката припадност, по населени места, според пописите на население 1948, 1953, 1961, 1971, 1981, 1991, 1994 и 2002 година (согласно територијалната организација од 1996 година) *Државен завод за статистика http://makstat.stat.gov.mk.
  6. Трифуноски, Јован (1974). Кумановска Област.. Скопје: Универзитетска Печатница „Св Кирил и Методиј“.