Клепало (село)
| Клепало Клепало | |
|---|---|
| Земја | Бугарија |
| Област | Благоевградска |
| Општина | Петрич |
| Управа | |
| • Кмет | Емил Илиев (ОЗ) |
| Надм. вис. | 1.053 м |
| Население (2015) | |
| • Вкупно | 35 |
| Пошт. бр. | 2837 |
| Повик. бр. | 074344 |
| Рег. таб. | Е |
Клепало (бугарски: Клепало) — село во Петричко, Пиринска Македонија, денес во општината Струмјани на Благоевградската област, југозападна Бугарија.
Географија[уреди | уреди извор]
Селото е сместено во Малешевските Планини. Лежи во непосредна близина на границата со Р Македонија. Најблизок град е Берово. Најблиски пирински села се Раздол (7 км), Добри Лаки (5 км), а пооддалечени се Цапарево (17 км) и Микрево (30 км). Градот Свети Врач (Сандански) е на растојание од 45 км, а Горна Џумаја (Благоевград) е на 85 км. Патот од Микрево за Клепало е во мошне лоша состојба, но попроблематична е делницата Илинден-Студената Вода.
Недалеку од селото, на самата македонска граница се наоѓа предвидениот граничен премин „Клепало“, кој уште во 1993 г. е подготвен од македонска страна (асфалтиран пат и гранични објекти), но останал неостварен од бугарската.[1]
Историја[уреди | уреди извор]
Во „Етнографија на вилаетите Адријанопол, Монастир и Салоника“ се вели дека во 1873 г. Клепала (Klépala) било село со 6 домаќинства од 25 жители Македонци.[2][3] Во 1902 г. населението зело учество во Горемското востание. Во 1922 г. е отворено првото училиште.
Селото денес[уреди | уреди извор]
Селото има една црква, „Св. Петар и Павле“, изградена по 1997 г. На 1 јануари 2018 г. населението броело околу 20 жители.
Стопанство[уреди | уреди извор]
Мештаните се занимаваат со земјоделство и сточарство.
Редовни настани[уреди | уреди извор]
Селска слава е Петровден.
Занимливости[уреди | уреди извор]
Ридот Клепало на Антарктичкиот Полуостров е наречен по селото.[4][5]
Поврзано[уреди | уреди извор]
Наводи[уреди | уреди извор]
- ↑ 2011.08.10. Новите премини остареа неотворени. dnevnik.com.mk Архивирано на 21 септември 2011 г.
- ↑ Како што е општопознато, Македонците во бугарските извори се присвојуваат и водат како Бугари, и покрај признанието дека самите се изјаснувале како Македонци.
- ↑ „Македония и Одринско. Статистика на населението от 1873 г.“ Македонски научен институт, София, 1995, стр. 142-143.
- ↑ Справочник на българските географски имена в Антарктика. Комисия по антарктическите наименования. София, 2015.
- ↑ Klepalo Hill. Архивирано на 18 ноември 2015 г. SCAR Composite Antarctic Gazetteer.
| ||||||||||