Кифхојзер
| Кифхојзер | |
|---|---|
| Kyffhäuser | |
 Поглед на Кифхојзер и споменикот од Тиледа | |
| Највисока точка | |
| Врв | Кулпенберг |
| Надм. височина | 473 м |
| Координати | 51°23′0″N 11°05′0″E / 51.38333° СГШ; 11.08333° ИГД |
| Географија | |
  | |
| Земји |  Германија |
| Покраини | Тирингија и Саксонија-Анхалт |
| Геологија | |
| Горообразба | херцинска |
| Вид карпа | песочник, конгломерат карбонски нанос, метаморфни карпи |
Кифхојзер (германски: Kyffhäuser) — ридски масив, кој се наоѓа на границата на германската покраина Тирингија со Саксонија-Анхалт. Се наоѓа на јужниот дел од Харц. Масивот има должина од 19 и ширина од 7 км. Ја достигнува највисоката точка на Кулпенберг (473,4 м),[1] кој се наоѓа во Тирингија. Кифхојзер е значаен за германската традиционална митологија како место за одморање на царот Фридрих Барбароса, кој се удавил на 10 јуни 1190 г. во реката Ѓоксу близу Силифке во текот на Третата крстоносна војна.[2]
Името Кифхојзер веројатно потекнува од cuffese што означува глава или врв. Населбата Тиледа на северните падини веќе била спомната на почетокот на IX век од Breviarium Lulli како Dullide, имот на опатијата Херсфелд. Царскиот имот кај Тиледа е потврден со венчавката на зарицата Феофану во 972 г. Првиот замок на ридот над населбата бил поставен од светиот римски цар Хајнрих IV во текот на неговиот конфликт со Саксонците. Неговиот син Хајнрих V ги наследил кавгите и замокот конечно бил поседуван од саксонкиот војвода (подоцна цар) Лотар Суплинбуршки во 1119 г. Самиот Лотар ја започнал обновата и Reichsburg Kyffhausen бил завршен под власта на царот Фридрих Барбароса.
Според легендата, Барбароса всушност не е умрен, туку спие во скриена комора под ридовите Кифхојзер, седејќи на камена маса. Неговата брада, наводно расте толку долго со векови, што расте низ масата. Како сличната легенда за Кралот Артур, Барбароса наводна чека момент за неговата земја, кога повторно ќе се појави на ридот. Присуството на габраните околу врвот на Кифхојзер се вели дека е знак за продолжување на присуството на Барбароса.
Денес, ридовите се туристичка атракција, на кои е обновен средновековниот замок од XI век. На самата планина се наоѓа Кифхојзерскиот споменик, изграден во 1896 г., кој ги прикажува царевите Вилхелм I и Фридрих Барбароса.
Поврзано[уреди | уреди извор]
Наводи[уреди | уреди извор]
- ↑ Map services of the Federal Agency for Nature Conservation]]
- ↑ Sven Frotscher: Der Kyffhäuser - Natur, Geschichte, Architektur, Denkmale Europas. Artern 1996, ISBN 3-00-000509-9
Надворешни врски[уреди | уреди извор]
Кифхојзер на Ризницата ?- Портал на Кифхојзер (германски)
- Управа на Природен парк „Кифхојзер“ (германски)
 | Оваа статија место во Тирингија е никулец. Можете да помогнете со тоа што ќе ја проширите. |
|