Киро Серафинов Николовски
Киро Серафинов Николовски ( 1923 во Опила — 20 октомври 1944 во Треска, Скопско) — македонски партизан, борец за слобода на Македонија и учесник во НОВ.[1]
Животопис
[уреди | уреди извор]Произлегува од селско семејство. Основно училиште завршил во село Ранковце, а потоа се занимавал со земјоделство. На 10 септември 1944 година, стапил во Третата македонска ударна бригада. Со бригадата, тој учествувал во повеќе борби и дејствија против германските транспортни возови. На 20 октомври 1944 година, во составот на бригадата, бил учесник и во борбите кај Треска против балистичките банди кои биле потпомогнати од Германците со артилерија и друго тешко оружје. Во оваа жестока борба, тој загинал. Бил закопан на местото на загинувањето.[1]