Кентевиус Колдвел-Поуп

Од Википедија — слободната енциклопедија
Прејди на прегледникот Прејди на пребарувањето
Кентевиус Колдвел-Поуп
Колдвел-Поуп во неговата прва сезона во Пистонс
Колдвел-Поуп во неговата прва сезона во Пистонс
Прекар(и)Кеј-Си-Пи
Позицијабек
Висина1,96 м
Тежина93 кг
ЛигаНБА
ЕкипаЛ.А. Лејкерс Л.А. Лејкерс
Број1
Роден18 февруари 1993 (1993-02-18) (26 г.)
Томастон, Џорџија
НационалностСАД САД
КолеџЏорџија (2011–2013)
Драфт2013 / Рунда: 1 / Пик: 8-ми overall
Избран од Детроит Детроит Пистонс
Проф. кариера2013–
Клубови
2013–2017Детроит Детроит Пистонс
2017–Л.А. Лејкерс Л.А. Лејкерс
Репрезентација
Инфо од: 29.11.2016.

Кентевиус Колдвел-Поуп (роден на 18 февруари 1993 година) е американски кошаркар, бек на Лос Анџелес Лејкерс во НБА.

Тој бил избран како 8-ми пик на Драфтот 2013 од неговиот сегашен клуб Детроит Пистонс. Претходно тој играл две години колеџ кошарка за Универзитетот Џорџија односно за нивната кошаркарска екипа Џорџија Булдогс.

Кариера[уреди | уреди извор]

Колеџ кариера[уреди | уреди извор]

Колдвел-Поуп избрал да игра за колеџот Џорџија кој го воделе Марк Фокс и Коди Андерсон и покрај понудите за стипендии од Алабама, Флорида, Џорџија Тек и Тенеси меѓу другите. Во неговата прва сезона Колдвел-Поуп бил избран во Тимот на Новаците на југоисточната конференција, во кои исто така биле вклучени и други подоцнежни НБА играчи како Бредли Бил, Ентони Дејвис и Мајкл Кид-Гилхрист. Неговиот највисок учинок како бруцош бил 25 поени во натпреварот против Оле Мис, што претставува највисок број поени постигнати од страна на новак на UGA во речиси 13 години. Во неговата втора година бил избран за Играч на годината на југоисточната конференција со учиок од 18.5 поени и 7.1 скока по натпревар.[1] Тој ја заврши својата кариера во Џорџија постигнувајќи рекордни во кариерата 32 поени и 13 скока, во поразот од ЛСУ на ЈИК турнирот во Нешвил.[2]

Колеџ статистика[уреди | уреди извор]

Година Екипа ОН СН МПН ПШИ 3П% СФ% СкПН АсПН УТПН БлПН ППН
2011–2012 Џорџија 32 32 32.1 .396 .304 .654 5.2 1.2 1.8 .3 13.2
2012–2013 Џорџија 32 32 33.9 .433 .373 .799 7.1 1.8 2.0 .5 18.5
Кариера[3] 64 64 33.0 .415 .339 .727 6.2 1.5 1.9 .4 15.9

Професионална кариера[уреди | уреди извор]

Детроит Пистонс (2013-2017)[уреди | уреди извор]

Колдвел-Поуп со Пистонс во 2016.

На 27 јуни 2013 година, Колдвел-Поуп бил избран како осми пик на НБА Драфот 2013 од Детроит Пистонс. Тој подоцна му се приклучил на Детроит за натпреварите од Летната лига 2013 и го потпишал својот руки договор со тимот на 19 јули.[4] На 16 април 2014 година, тој постигнал тогаш највисоки во кариерата 30 поени, во поразот од Оклахома Сити Тандер.[5] Својата прва сезона во НБА ја завршил со 80 одиграни натпревари од кој на 41 бил стартер и со учинок од 5.9 поени и 2 скока по натпревар.

Во јули 2014 година, Колдвел-Поуп повторно бил вклучен во составот на Детроит за Летната лига 2014, каде што тој имал во просек 24,0 поени и 7,4 скока во пет натпревари. Тренерот на тимот Стен Ван Ганди брзо го оценил Колдвел-Поуп како неговиот најдобар одбранбен периметар и тој завршил како водечки играч на Пистонс по бројот на минути поминати на паркетот со 2.587 минути. Игрите на Колдвел-Поуп доста се подобреле по паузата за Ол-Стар викендот, во голема мера благодарение на новото засилување на Пистонс плејмејкерот Реџи Џексон; после паузата имал просек од 14.3 поени по натпревар. Тој ја завршил сезоната со 153 погодени тројки, 70 повеќе од вториот најблизок играч на Пистонс, и исто така бил изедначен со Кевин Лав на делба на 16-тото место во целата НБА во таа статистичка категорија.[6]

Во неговата трета сезона во Пистонс, Колдвел-Поуп постигнал рекордни за него во дотогашната кариерата 31 поен во победата со 119-116 над Бостон Селтикс на 16 декември 2015 година, шутирајќи 7-12 за два поени, 3-4 за три и 8-8 од линијата за слободни фрлања.[7] Неговите игри во текот на сезоната 2015-2016 биле многу подобри во однос на претходините сезони и тој се наметнал како еден од носителите на играта на Пистонс. Тој му помогнал на клубот да избори место во плејофот на Источната конференција како 8-мо пласирани со скор од 44-38, со што Пистонс дошле до плејофот за прв пат по 2009 година. Во првиот круг на Плејофот, Пистонс се соочиле со првите носители на истокот и подоцнежните шампиони Кливленд Кавалирс. Во натпреварот број 1 одигран на 17 април кој Пистонс го загубиле тесно со пет поени разлика, Колдвел-Поуп бил најдобар стрелец во својот тим со реазлизиран 21 поен.[8] На крајот Кливленд ја добиле серијата со 4-0 и ги елиминирале Детроит од понатамошното натпреварување.

На 9 ноември, 2016, Колдвел-Поуп ги постигнал највисоките 27 поени за неговата четврта сезона со Пистонс во поразот со 107–100 од Финикс Санс.[9] На 25 ноември, 2016, тој забележал 16 поени и највисоки во кариерата 10 асистенции во победата со 108–97 над Лос Анџелес Клиперс.[10] На 8 јануари, 2017, тој постигнал одлучувачка тројка на 9.4 секунди до крајот на второто продолжение со кој му донел победа на својот тим од 125–124 на гостувањето кај Портланд Трејлблејзерс; тој го завршил натпреварот со 26 поени.[11] На 13 јануари 2017 се здобил со повреда од втор степен на манжетниот ротатор на рамото поради која пропуштил четири натпревари.[12] Се вратил во акција на 24 јануари запишувајќи 14 поени 5 скока и 4 асистенции во поразот со 104-109 од Сакраменто Кингс во Палас оф Оберн Хилс.[13] На 1 февруари 2017, Колдвел-Поуп постигнал највисоки во кариерата 38 поени во победата со 118-98 над Њу Орлеанс Пеликанс, а исто така постигнал и највисоки во неговата кариера 8 тројки (од 11 обиди) на еден натпревар.[14]

Лос Анџелес Лејкерс[уреди | уреди извор]

На 13 јули 2017, Колдвел-Поуп потпишал едногодишен договор, вреден 18 милиони долари со Лос Анџелес Лејкерс.[15][16]

НБА статистика на кариерата[уреди | уреди извор]

Регуларен дел од сезоната[уреди | уреди извор]

Легенда
  ОН Одиграно натпревари   СН  Натпревари како стартер  МПН  Минути по натпревари
 ПШИ%  Процент на шут од игра  3П%  Процент на шут за три поени  СФ%  Процент на шут за слободни фрлања
 СкПН  Скокови по натпревар  AсПН  Асистенции по натпревар  УТПН  Украдени топки по натпревар
 БлПН  Блокади по натпревар  ППН  Поени по натпревар  Задебелено  Најдобро во кариерата
Година Екипа ОН СН МПН ПШИ 3П% СФ% СкПН АсПН УТПН БлПН ППН
2013-2014 САД Детроит 80 41 19.8 .396 .319 .770 2.0 .7 .9 .2 5.9
2014-2015 САД Детроит 82 82 31.5 .401 .345 .696 3.1 1.3 1.1 .2 12.7
2015-2016 САД Детроит 76 76 36.7 .420 .309 .811 3.7 1.8 1.4 .2 14.5
Кариера 238 199 29.2 .408 .327 .765 2.9 1.3 1.2 .2 11.0

Плејоф[уреди | уреди извор]

Година Екипа ОН СН МПН ПШИ 3П% СФ% СкПН АсПН УТПН БлПН ППН
2016 САД Детроит 4 4 40.3 .440 .444 .714 4.3 2.8 1.8 .3 15.3
Кариера 4 4 40.3 .440 .444 .714 4.3 2.8 1.8 .3 15.3

Надворешни врски[уреди | уреди извор]

Наводи[уреди | уреди извор]

  1. Lockridge & Cole (March 12, 2013). „Georgia's Kentavious Caldwell-Pope named SEC's top player“. The Tennessean. конс. March 16, 2013. 
  2. „LSU 68, Georgia 63“. ESPN. March 14, 2013. конс. March 14, 2013. 
  3. Kentavious Caldwell-Pope, rivals.yahoo.com. Retrieved 20 April 2013.
  4. „Detroit Pistons Sign Draft Selections Kentavious Caldwell-Pope and Tony Mitchell“. NBA.com. Turner Sports Interactive, Inc. July 19, 2013. конс. July 19, 2013. 
  5. „Notebook: Thunder 112, Pistons 111“. NBA.com. Turner Sports Interactive, Inc. April 16, 2014. конс. April 16, 2014. 
  6. „2014-15 Player Recap: Kentavious Caldwell-Pope“. NBA.com. Turner Sports Interactive, Inc. May 4, 2015. конс. November 3, 2015. 
  7. „Caldwell-Pope scores 31 points, Pistons beat Celtics 119-116“. NBA.com. Turner Sports Interactive, Inc. December 16, 2015. конс. December 16, 2015. 
  8. „Big 3 back together, lead Cavs to 106-101 win over Pistons“. NBA.com. April 17, 2016. конс. April 18, 2016. 
  9. „Bledsoe, Dudley lead Suns past Pistons 105-99 [sic]“. ESPN.com. November 9, 2016. конс. November 9, 2016. 
  10. „Pistons hand Clippers first road loss with 108-97 win“. ESPN.com. November 25, 2016. конс. November 26, 2016. 
  11. „Pistons outlast Trail Blazers 125-124 in double-overtime“. ESPN.com. January 8, 2017. конс. January 8, 2017. 
  12. Caldwell-Pope has rotator-cuff strain, doubtful Sunday
  13. Kentavious Caldwell-Pope started Monday and scores 14 in loss to the Kings
  14. „Caldwell-Pope scores 38 in Pistons' 118-98 win over Pelicans“. ESPN.com. February 1, 2017. конс. February 1, 2017. 
  15. „Lakers Sign Kentavious Caldwell-Pope“. NBA.com. July 13, 2017. конс. July 13, 2017. 
  16. Beacham, Greg; Krawczynski, Jon (July 12, 2017). „Reports: Kentavious Caldwell-Pope, Los Angeles Lakers reach 1-year deal“. NBA.com. конс. July 22, 2017.